ଖରିଫ ଫସଲର ଅମଳ (ଅମଳ କରିବା ପାଇଁ ଆବଶ୍ୟକ ଉପକରଣ)

ପୃଷ୍ଠଭୁମୀ

ଅମଳକରିବା ପାଇଁ ବ୍ୟବହାର ହେଉଥିବା ବିଭିନ୍ନ ଉପକରଣର ସବିଶେଷ ତଥ୍ୟ ଯଥା ଦକ୍ଷତା, କାର୍ଯ୍ୟ ସଞ୍ଚାଳନ ପ୍ରଣାଳୀ (ଯାନ୍ତ୍ରିକ କିମ୍ବା ହସ୍ତ ଚାଳିତ) ଫସଲ ନିର୍ବାଚନ ଇତ୍ୟାଦି ବିଷୟରେ ଚାଷୀମାନେ ଜାଣି ପାରିଲେ ଏହା ଅମଳ ପାଇଁ ଆବଶ୍ୟକ ହେଉଥିବା ଦିନ ଏବଂ ଶ୍ରମ ବିଷୟରେ ଆଗରୁ ନିଷ୍ପତ୍ତି ନେବାରେ ସାହାଯ୍ୟ କରିବ I

ସୋପାନ-ପର-ସୋପାନ କାର୍ଯ୍ୟକ୍ରମ

ସୋପାନ -୧: ପ୍ରାରମ୍ଭିକ ଅଭ୍ୟାସ: ପ୍ରଥମେ, ଅଂଶଗ୍ରହଣକାରୀମାନଙ୍କୁ ଏକ ଆରାମଦାୟକ ସ୍ଥାନରେ ଏକତ୍ର କରନ୍ତୁ ଯେଉଁଠାରେ ସେମାନଙ୍କୁ ଅମଳ ପାଇଁ ବ୍ୟବହାର କରାଯାଉଥିବା ଉପକରଣ ସବୁକୁ ପ୍ରଦର୍ଶିତ କରାଯାଇପାରିବ I ଆଲୋଚନାକୁ ଆରମ୍ଭ କରି ଚାଷୀମାନଙ୍କୁ ପଚାରନ୍ତୁ ଯେ ସେମାନେ ଅମଳ କରିବା ପାଇଁ କେଉଁ ସବୁ ଉପକରଣ ବ୍ୟବହାର କରି ଥାଆନ୍ତି ଏବଂ ଏସବୁର ବ୍ୟବହାର୍ଯ୍ୟ ସୀମା କ'ଣ ଯାହାସବୁ ଜାଣିଲା ପରେ ସେମାନଙ୍କୁ ବିକଳ୍ପ ବ୍ୟବସ୍ଥା ବିଷୟରେ ପରାମର୍ଶ ଦିଆ ଯାଇପାରିବ I

ସୋପାନ -୨: ଅମଳ ପାଇଁ ବ୍ୟବହୃତ ଉପକରଣ: ଅଂଶଗ୍ରହଣକାରୀମାନଙ୍କୁ କୁହନ୍ତୁ ଯେ ଅମଳ କରିବା ପାଇଁ ବିଭିନ୍ନ ପ୍ରକାର ଉପକରଣ ବ୍ୟବହାର କରାଯାଏ ଯାହା ଅମଳ ପ୍ରକ୍ରିୟାକୁ ତ୍ୱରାନିତ କରିବା ସହ ସମୟର ସଞ୍ଚୟ ହୋଇଥାଏ ଏବଂ ଏଥିରେ କମ ଶ୍ରମ ଲାଗିଥାଏ I ତଳେ ପ୍ରଦର୍ଶିତ ପୋଷ୍ଟରରେ ଥିବା କିଛି ଉପକରଣର କାର୍ଯ୍ୟ ପ୍ରଣାଳୀ ଏବଂ ଦକ୍ଷତା ବିଷୟରେ ବୁଝାନ୍ତୁ I

ସୋପାନ -୩: ଉପଯୁକ୍ତ ଅମଳ ଉପକରଣ ବ୍ୟବହାର କରିବାର ଉପାଦେୟତା: ଚାଷୀମାନଙ୍କୁ କୁହନ୍ତୁଯେ ଅମଳ ପାଇଁ ଉପଯୁକ୍ତ ଉପକରଣ ବ୍ୟବହାର କଲେ ଅମଳ କାମ କମ ସମୟ ତଥା କମ ଖର୍ଚ୍ଚରେ ହୋଇ ଥାଏ କାରଣ ଶ୍ରମ ନିୟୋଜନ ହୋଇଥାଏ I ଆଧୁନିକ ଉପକରଣ ବ୍ୟବହାର କଲେ ଏହି କାମ କରିବା ପାଇଁ ଗ୍ରାମର ଯୁବ ସମାଜ ମଧ୍ୟ ଆକର୍ଷିତ ହୋଇ ଥାଆନ୍ତି I ଚିରାଚରିତ ପ୍ରଥାରେ କାମ କରିବାରୁ ମୁକ୍ତି ମିଳିବା ସହ ଏହା କଠିନ ଶ୍ରମକୁ କମ କରିଥାଏ I

ଉପସଂହାର

ସୁନିଶ୍ଚିତ କରନ୍ତୁ ଯେ ଅଂଶଗ୍ରହଣକାରୀମାନେ ଅଧିବେଶନରେ ଆଲୋଚନା କରାଯାଇଥିବା ବିଷୟବସ୍ତୁକୁ ଭଲ ଭାବରେ ବୁଝିଛନ୍ତି I ଏହାକୁ ଆକଳନ କରିବା ପାଇଁ ଅଂଶଗ୍ରହଣକାରୀମାନଙ୍କ ମଧ୍ୟରେ ଏକ ଅଭ୍ୟାସ କରାନ୍ତୁ I କିଛି ଉପକରଣ କୁ ଦେଖାଇ କିଛି ମୁଖର ଅଂଶଗ୍ରହଣକାରୀମାନଙ୍କୁ ଏହି ସବୁ ଉପକରଣକୁ ଚିହ୍ନଟ କରିବାକୁ କୁହନ୍ତୁ ଏବଂ ପଚାରନ୍ତୁ ଯେ କେଉଁ ଫସଲ ପାଇଁ ଏହାକୁ ବ୍ୟବହାର କରାଯାଏ I ଏହି ପାରସ୍ପାରିକ ପ୍ରଶ୍ନୋତ୍ତର କାର୍ଯ୍ୟକ୍ରମ ଅଂଶଗ୍ରହଣକାରୀମାନଙ୍କ ମଧ୍ୟରେ ଏହି ବିଷୟରେ ଅଧିକ ସ୍ପଷ୍ଟତା ଦେବ I

ଗହମ, ମକା, ବାର୍ଲି, ଡାଲି ଜାତୀୟ ଶସ୍ୟ ଏବଂ ଘାସ ଅମଳ କରିବାପାଇଁ ହାତ ଦା' କୁ ବ୍ୟବହାର କରାଯାଏI ବଡ ଦା' ଗଛରୁ ଡାଳ ପତ୍ର କାଟିବା ପାଇଁ ବ୍ୟବହାର କରାଯାଏ I କଟୁରୀ ଏବଂ କୁରାଢୀ ଆଖୁ ପରି ଫସଲ ଅମଳ କରିବା ପାଇଁ ବ୍ୟବହୃତ ହୋଇଥାଏ I

(ଉତ୍ସ:ଏଫ.ଏ.ଓ.)

ଆଧାର – ପୋର୍ଟାଲ ଟିମ