ନିରୀକ୍ଷଣ ଏବଂ ମୂଲ୍ୟାଙ୍କନ

ଉପକ୍ରମଣିକା

ଏହି ଜ୍ଞାନକ୍ଷେତ୍ର ପାଥୱେଜ୍ ଇଣ୍ଡିଆ ପ୍ରକଳ୍ପର କାର୍ଯ୍ୟକ୍ରମର ନିରୀକ୍ଷଣ ଏବଂ ମୂଲ୍ୟାଙ୍କନ ସମ୍ବନ୍ଧୀତ ଅଟେ I ଏହା ହେଉଛି ଶେଷ ଜ୍ଞାନକ୍ଷେତ୍ର ଯାହା ପ୍ରକଳ୍ପର ନିବେଶ ବନାମ ଫଳାଫଳକୁ ମାପିବା ସହ ଏହି କାର୍ଯ୍ୟକ୍ରମର ପରିଣାମ ଓ ପ୍ରଭାବକୁ ଆକଳନ କରିବ I ଅଂଶଗ୍ରହଣକାରୀମାନେ ପ୍ରକଳ୍ପର ଉଦ୍ଦେଶ୍ୟ ବିଷୟରେ ଭଲଭାବରେ ପରିଚିତ ହେବା ଉଚିତ କାରଣ ଲକ୍ଷ୍ୟଧାର୍ଯ୍ୟ ସମୂହଠାରୁ ପ୍ରକଳ୍ପ କେଉଁ ପ୍ରକାର ପରିବର୍ତ୍ତନର ପ୍ରତ୍ୟାଶା ରଖିଥାଏ ଅଂଶଗ୍ରହଣକାରୀମାନେ ଜାଣିବା ଆବଶ୍ୟକ I ପାଥୱେଜ୍ ଇଣ୍ଡିଆ ପ୍ରକଳ୍ପର ଚାରିଗୋଟି ମୁଖ୍ୟ କାର୍ଯ୍ୟକ୍ରମ ହେଉଛି (୧) ମହିଳା ସ୍ୱୟଂ ସହାୟକ ଦଳର ସଶକ୍ତିକରଣ କରିବା; (୨) ଉନ୍ନତ୍ତ କୃଷି ପ୍ରଣାଳୀକୁ ପ୍ରୋତ୍ସାହିତ କରିବା; (୩) ଅଗ୍ରଗାମୀ ଓ ଅଧୋଗାମୀ (backward and forward linkages) ସଲଗ୍ନତା ସ୍ଥାପିତ କରିବା ଏବଂ (୪) ବଜାର ସୂଚନା ପ୍ରଦାନ କରିବା ସହ ଜୀବନ ଶୈଳୀରେ ଉନ୍ନତି ଆଣିବା ପାଇଁ ଜୀବିକା ସୁଯୋଗର ସୃଷ୍ଟି କରିବା ତଥା ଖାଦ୍ୟ ଓ ପୋଷଣର ଉପଲବ୍ଧତା ପାଇଁ ସାହାଯ୍ୟ କରିବା I

ଗୋଷ୍ଠୀ ସାଧନ ବ୍ୟକ୍ତି (ସିଆରପି) ମାନେ ପ୍ରକଳ୍ପର ତାର୍କିକ ରୂପରେଖାକୁ ଠିକ ଭାବେ ବୁଝିବା ଆବଶ୍ୟକ କାରଣ ଏଥିରେ ପ୍ରକଲ୍ପର ଫଳାଫଳ ଓ ପରିଣାମ ସ୍ପଷ୍ଟ ଭାବେ ଉଲ୍ଲେଖ କରାଯାଇଅଛି I ଏହି ପ୍ରଶିକ୍ଷଣ ଟୁଲ୍ ଅଂଶଗ୍ରହଣକାରୀମାନଙ୍କୁ ନିରୀକ୍ଷଣ ଫରମାର୍ଟକୁ ପୂରଣ କରିବା ପାଇଁ ଦିଗ୍ ଦର୍ଶନ ଦେବ I ପାଥୱେଜ୍ ପ୍ରକଳ୍ପ ଅନ୍ତର୍ଗତ ଦିଆ ଯାଉଥିବା ପ୍ରଶିକ୍ଷଣ କାର୍ଯ୍ୟକ୍ରମ ସବୁକୁ 'ପ୍ରକଳ୍ପ ନିବେଶ' କୁହାଯାଏ ଏବଂ ଏହି ପ୍ରଶିକ୍ଷଣ କାର୍ଯ୍ୟକ୍ରମ ସବୁରେ ଯୋଗଦାନ କରିଥିବା ଚାଷୀମାନଙ୍କ ସଂଖ୍ୟାକୁ 'ପ୍ରକଳ୍ପ ଫଳାଫଳ' କୁହାଯାଏ I ଏହି ପ୍ରଶିକ୍ଷଣ କାର୍ଯ୍ୟକ୍ରମରୂ ମିଳିଥିବା ତ୍ୱରିତ ଉପାଦେୟତାକୁ 'ପ୍ରକଳ୍ପର ପରିଣାମ' କୁହାଯାଏ I ଉଦାହରଣସ୍ୱରୂପ ଯଦି ଚାଷୀମାନେ ଅଧିକ ଅମଳ ପାଇବେ, ତେବେ ତାହାକୁ କୃଷିକାର୍ଯ୍ୟ ଜ୍ଞାନକ୍ଷେତ୍ର ଅନ୍ତର୍ଗତ ପ୍ରଦାନ କରାଯାଇଥିବା ପ୍ରଶିକ୍ଷଣକୁ ଶ୍ରେୟ ଦିଆ ଯାଇପାରିବ I ସେହିପରି ଯଦି ଚାଷୀମାନେ ସେମାନଙ୍କର ଉତ୍ପାଦ ପାଇଁ ମୂଲଚାଲ କରି ଅଧିକ ମୁଲ୍ୟ ପାଇଲେ, ତେବେ ଏହାର କାରଣ ଅମଳ-ପରବର୍ତ୍ତୀ ପରିଚାଳନା ଓ ବଜାର ସଲଗ୍ନତା ଞାନକ୍ଷେତ୍ର ଅନ୍ତର୍ଗତ ପ୍ରଦାନ କରାଯାଇଥିବା ପ୍ରଶିକ୍ଷଣକୁ ଦିଆଯିବ I ଦୀର୍ଘ ମିଆଦୀ ଭାବେ ଚିରନ୍ତନ ବିକାଶ ହେଉଥିଲେ ଏହାକୁ 'ପ୍ରକଳ୍ପର ପ୍ରଭାବ' ବାବେ ବିଚାର କରାଯାଏ I ଉଦାହରଣସ୍ୱରୂପ ପୁରୁଷ ଓ ମହିଳାମାନଙ୍କ ମଧ୍ୟରେ ଦେଖାଯାଉଥିବା ବ୍ୟବହାରିକ ପରିବର୍ତ୍ତନକୁ ପ୍ରକଳ୍ପର ଉଭୟ ପରିଣାମ ଓ ପ୍ରଭାବ ଭାବେ ବିଚାର କରାଯାଏ I ଲୈଙ୍ଗିକ ଜ୍ଞାନକ୍ଷେତ୍ର ଅନ୍ତର୍ଗତ ଦିଆ ଯାଇଥିବା ପ୍ରଶିକ୍ଷଣ ଦ୍ୱାରା ହୋଇଥିବା ବିକାଶକୁ ଜଣେ ଲୈଙ୍ଗିକ ସୂଚକକୁ ଆକଳନ କରିବା ସମୟରେ ଜାଣି ପାରିବ I ତେଣୁ ସିଆରପିମାନେ ପରିଣାମ ଓ ପ୍ରଭାବକୁ ପ୍ରତ୍ୟେକ ଜ୍ଞାନକ୍ଷେତ୍ର ଅନ୍ତର୍ଗତ କରାଯାଉଥିବା ବିଭିନ୍ନ କାର୍ଯ୍ୟକ୍ରମ ସହ ସଂଲଗ୍ନ କରିବାପାଇଁ ସର୍ମର୍ଥ ହେବା ଦରକାର ଯାହା ଚାଷୀମାନଙ୍କୁ ଏହି ଜ୍ଞାନକ୍ଷେତ୍ର ଅନ୍ତର୍ଗତ ପାଞ୍ଚଗୋଟି ମଡ୍ୟୂଲରେ ଧାର୍ଯ୍ୟକରାଯାଇଥିବା ନିରୀକ୍ଷଣ ଫର୍ମାର୍ଟ ସବୁ ଆଦୃତ କରିବାପାଇଁ ପଥ ପ୍ରଦର୍ଶନ କରିବ I

ପ୍ରଥମ ମଡ୍ୟୂଲ୍ ଚାଷୀମାନଙ୍କ ବିକାଶ ବ୍ୟକ୍ତିଗତ ସ୍ତରରେ ଆକଳନ କରିଥିବା ବେଳେ ପଞ୍ଚମ ମଡ୍ୟୂଲଟି ପ୍ରକଳ୍ପ କାର୍ଯ୍ୟକ୍ରମର ପ୍ରଭାବକୁ ଦଳ/ସମୂହ ସ୍ତରରେ ଆକଳନ କରିବାରେ ସାହାଯ୍ୟ କରିଥାଏ I ଦ୍ୱିତୀୟ ମଡ୍ୟୂଲଟି ଚାଷୀମାନେ ଆଦୃତ କରିiଥିବା ଉତ୍ତମ ପଦ୍ଧତି ସବୁକୁ ଦର୍ଶାଇବା ସହ ଏହି ବାର୍ତ୍ତା କିପରି ଭାବେ 'କୃଷକଙ୍କ କ୍ଷେତ୍ର ଦିବସ' ମାଧ୍ୟମରେ ଅନ୍ୟ ଚାଷୀମାନଙ୍କ ପାଖରେ ପହଞ୍ଚି ସେମାନଙ୍କୁ ଉତ୍ସାହିତ କରିଥାଏ, ସେ ବିଷୟରେ ପ୍ରତିଫଳିତ କରିଥାଏ I ତୃତୀୟ ମଡ୍ୟୂଲଟି ସାମୂହିକ ମୂଲଚାଲ ମାଧ୍ୟମରେ ନିଜ ଉତ୍ପାଦକୁ ବିକ୍ରିକରି ଚାଷୀମାନେ ପାଇଥିବା ବୃଦ୍ଧୀୟ ଲାଭକୁ ଆକଳନ କରିଥାଏ I ଏହି ଫାର୍ମାର୍ଟ ପ୍ରଶିକ୍ଷଣ ପରବର୍ତ୍ତୀ ବନାମ ପ୍ରକଲ୍ପ-ପୂର୍ବବର୍ତ୍ତୀ ଅବସ୍ଥାକୁ କଳନା କରିବାକୁ ଚାଷୀମାନଙ୍କୁ ସାହାଯ୍ୟ କରିବ I ଚତୁର୍ଥ ମଡ୍ୟୂଲ ଲିଙ୍ଗ ବିକାଶକୁ କଳନା କରିବାକୁ ସାହାଯ୍ୟ କରିଥାଏ ଯାହା ସମୁଦାୟରେ ପୁରୁଷ ଓ ମହିଳାମାନଙ୍କ ପାଇଁ ଅଲଗା ଅଲଗା ନିର୍ଦ୍ଧାରିତ ବିକାଶ ବିନ୍ଦୁ ସହ ମୂଲ୍ୟାଙ୍କନ କରାଯାଇଥାଏ I

ଯେଉଁ ସିଆରପିମାନେ ଏହି ମଡ୍ୟୂଲସବୁକୁ ସଞ୍ଚାଳନ କରିବେ ସେମାନେ ପ୍ରକଳ୍ପର ଉଦ୍ଦେଶ୍ୟ ଓ ପୂର୍ବାନୁମାନିକ ପରିଣାମ ବିଷୟରେ ଭଲଭାବରେ ପରିଚିତ ହୋଇଥିବା ଆବଶ୍ୟକ କାରଣ ଏହାଦ୍ୱାରା ସେମାନେ ଲକ୍ଷ୍ୟଧାର୍ଯ୍ୟ ଦଳମାନଙ୍କ ପାଇଁ ପ୍ରସ୍ତୁତ ଏହି ନୀରିକ୍ଷଣ ଫର୍ମାର୍ଟର ସଦୁପୋଯୋଗ କରିପାରିବେ I

ପ୍ରଶିକ୍ଷଣ ମଡ୍ୟୂଲ୍

କାର୍ଯ୍ୟକ୍ରମର ପ୍ରାରମ୍ଭରୁ ପୁରୁଷମାନଙ୍କୁ ଜଡିତ କରବାପାଇଁ ପ୍ରକଳ୍ପ ଆରମ୍ଭ ହେବା ସାଙ୍ଗେ ସାଙ୍ଗେ ଏହି ଅଧିବେଶନସବୁକୁ ଫସଲ ଋତୁର ବିଭିନ୍ନ ଚରଣରେ ବିଭାଜିତ କରି ସଞ୍ଚାଳନ କରାଯିବ ଯାହା ନିମ୍ନ ପ୍ରଦତ୍ତ ଚାର୍ଟରେ ଦର୍ଶା ଯାଇଅଛି I

ଅଧିବେଶନର ସଂରଚନା

ଏହି ଟୁଲ୍ କିଟ୍ ରେ ବ୍ୟବହାର କରାଯାଇଥିବା ସଂରଚନା ପ୍ରତ୍ୟେକ ପ୍ରଶିକ୍ଷଣ ଅଧିବେଶନକୁ କିପରି ପ୍ରଦାନ କରିବେ ତାହାର ବର୍ଣ୍ଣନା ନିମ୍ନରେ ପ୍ରଦତ୍ତ ହୋଇଛି I ଏହା ଅଧିବେଶନର ସଂରଚନା ବିଷୟରେ ସିଆରପିମାନଙ୍କୁ ଏକ ବୋଧତା ଦେବା ସହ ଅଂଶଗ୍ରହଣକାରୀଙ୍କୁ ଏହା ପ୍ରଦାନ କରାଯିବା ପାଇଁ କିପରି ବ୍ୟବହାର କରାଯିବ, ସେ ବିଷୟରେ ସୁଚନା ଦେବ I

ଅଧିବେଶନ କାର୍ଯ୍ୟବାହୀର ଲିପିବଦ୍ଧ

ଅଧିବେଶନକୁ ପରିସମାପ୍ତି କଲାବେଳେ ସିଆରପିମାନେ ଅଧିବେଶନ କାର୍ଯ୍ୟବାହୀକୁ ନିମ୍ନ ପ୍ରଦତ୍ତ ଫର୍ମାଟରେ ଲିପିବଦ୍ଧ କରିବେ I ଦିଆଯାଇଥିବା ପ୍ରଶିକ୍ଷଣ ବିଷୟରେ ଚାଷୀମାନେ ଦେଇଥିବା ଉତ୍ତରକୁ ମାର୍ଗକରଣ କରିବା ପାଇଁ ଏହା ପ୍ରକଳ୍ପ ଅଧିକାରୀଙ୍କୁ ସାହାଯ୍ୟ କରିବା ସହ ପରବର୍ତ୍ତୀ ଅଧିବେଶନର ପ୍ରସ୍ତୁତି ପାଇଁ ମଧ୍ୟ ସାହାଯ୍ୟ କରିବ I

"ଅଧିବେଶନ କାର୍ଯ୍ୟବାହୀ-ତଥା-ମତାମତ ଫର୍ମ"

ପ୍ରଶିକ୍ଷଣ ଅଧିବେଶନର ସମାପ୍ତି ପରେ ସିଆରପିମାନେ ଉପରୋକ୍ତ ଫର୍ମାର୍ଟ୍ ପୁରଣ କରି ପ୍ରକଳ୍ପ ଅଧିକାରୀଙ୍କ ସୂଚନା ଏବଂ ଅଧ୍ୟୟନ ମତେ ସେମାନଙ୍କୁ ପ୍ରେରଣ କରିବେ I

ପ୍ରାରମ୍ଭିକ ଅଧିବେଶନ

ନିରୀକ୍ଷଣ ଏବଂ ମୂଲ୍ୟାଙ୍କନ ଜ୍ଞାନକ୍ଷେତ୍ର ସମ୍ବନ୍ଧୀୟ ପ୍ରଶିକ୍ଷଣ ଅଧିବେଶନ ଆରମ୍ଭ କରିବା ପୁର୍ବରୁ, ସିଆରପିମାନେ ଅଂଶଗ୍ରହଣକାରୀମାନଙ୍କ ପାଇଁ ଏକ ପ୍ରାରମ୍ଭିକ ଅଧିବେଶନ ଆୟୋଜନ କରିବେ I ସିଆରପିମାନଙ୍କ ସୁବିଧା ପାଇଁ, ସେମାନଙ୍କଦ୍ୱାରା ଅଧିବେଶନ ଆୟୋଜନର ନିର୍ଦ୍ଦେଶାବଳୀ ଦିଆ ଯାଇଛି I

• ଅଧିବେଶନର ନାମ : ପ୍ରାରମ୍ଭିକ ଅଧିବେଶନ
• ସଞ୍ଚାଳନକରିବ ବାରମ୍ବାରତା : ଖରିଫ ଏବଂ ରବି ଋତୁର ଆରମ୍ଭରେ
• ଅଧିବେଶନର ଉଦ୍ଦେଶ୍ୟ: ଏହି ପ୍ରାରମ୍ଭିକ ଅଧିବେଶନ ଆୟୋଜନ କରିବାର ମୁଖ୍ୟ ଉଦ୍ଦେଶ୍ୟ ହେଉଛି ଯେ ନିରୀକ୍ଷଣ ଏବଂ ମୂଲ୍ୟାଙ୍କନ ପ୍ରଶିକ୍ଷଣ ମଡ୍ୟୂଲ୍ ସମ୍ପର୍କରେ ଚାଷୀମାନଙ୍କୁ ଦିଗ୍ ଦର୍ଶନ ଦେବା
• ଅଂଶଗ୍ରହଣକାରୀ କେଉଁମାନେ: ପାଥୱେଜ୍ ଇଣ୍ଡିଆ ପ୍ରକଳ୍ପ ଅନ୍ତର୍ଗତ ଧାର୍ଯ୍ୟ ସମସ୍ତ ସ୍ୱୟଂ ସାହାୟକ ଦଳ ଏବଂ ସମୂହଗୁଡିକର ସଦସ୍ୟମାନଙ୍କ ପାଇଁ ଏହି ପ୍ରାରମ୍ଭିକ ଅଧିବେଶନ ସିଆରପିମାନଙ୍କ ଦ୍ୱାରା ସଞ୍ଚାଳନ କରାଯିବ I
• ସିଆରପିମାନଙ୍କ ପାଇଁ କ'ଣ ସବୁ ପ୍ରଶିକ୍ଷଣ ସାମଗ୍ରୀ ଦରକାର: ଫସଲ ବିକାଶର ବିଭିନ୍ନ ଚରଣରେ ସଞ୍ଚାଳିତ ହେବାକୁ ଥିବା ମଡ୍ୟୂଲସବୁକୁ ଦର୍ଶାଯାଇଥିବା ଫ୍ଲିପ୍-ଚାର୍ଟ୍ I

ଉପସଂହାର

ଫସଲର ସବୁ ଚରଣ ପାଇଁ ପ୍ରସ୍ତୁତ ନିରୀକ୍ଷଣ ଏବଂ ମୂଲ୍ୟାଙ୍କନ ଫର୍ମାଟସବୁକୁ ଚାଷୀମାନଙ୍କ ମଧ୍ୟରେ ବାଣ୍ଟି ଦିଅନ୍ତୁ, ଯେପରିକି ସେମାନେ ଫସଲର ବିଭିନ୍ନ ଚରଣରେ ଏହି ଫର୍ମାଟସବୁକୁ ପୂରଣ କରିବା ପାଇଁ ଏହା ସହ ପରିଚିତ ହୋଇ ପାରିବେ I

ଆଧାର – ପୋର୍ଟାଲ ଟିମ