ପାକଶାଳା ବଗିଚା

ମଡ୍ୟୂଲ୍– ୪: ପାକଶାଳା ବଗିଚା

ପୃଷ୍ଠଭୁମୀ

ପାକଶାଳା ବଗିଚାର ଅନେକ ଉପାଦେୟତା ଅଛି I ଚାଷୀମାନଙ୍କ ମଧ୍ୟରେ ପୁଷ୍ଟିକର ଉଦ୍ୟାନ ବିଷୟରେ ସଚେତନତା ସୃଷ୍ଟି କରାଯାଇ ପାରିବ I ପ୍ରତିଦିନ ସତେଜ ପରିବା ପାଇବା ପାଇଁ ପାକଶାଳା ବଗିଚା ଏକ ପ୍ରଭାବୀ ପଦ୍ଧତି I ଏହି ପ୍ରଣାଳୀରେ ପରିବା ଉତ୍ପାଦନ କଲେ ପଇସା ଖର୍ଚ୍ଚ କରି ପରିବା କିଣିବାକୁ ପଡିବ ନାହିଁ ଏବଂ କମ୍ ପରିଶ୍ରମରେ ଖାଦ୍ୟ ମିଳିପାରିବ I

ସୋପାନ-ପର-ସୋପାନ କାର୍ଯ୍ୟକ୍ରମ

ସୋପାନ -୧: ପ୍ରାରମ୍ଭିକ ଅଭ୍ୟାସ: ଚାଷୀମାନଙ୍କ ସହ ବିମର୍ଶ କରି ପଚାରନ୍ତୁ ଯେ ସେମାନେ ପ୍ରତିଦିନ ସତେଜ ପରିବା ପାଉଛନ୍ତି କି I ସେମାନଙ୍କୁ ପଚାରନ୍ତୁ ଯେ ସେମାନେ ସଠିକ ପରିମାଣର ପରିବାପତ୍ର ପାଉଛନ୍ତି କି I ଏଥିସହ ସେମାନଙ୍କ ସହ ଆଲୋଚନା କରନ୍ତୁ କି ସେମାନେ ଯଥେଷ୍ଟ ପରିମାଣରେ ପରିବା କିପରି ଭାବରେ ପାଇ ପାରିବେ I

ସୋପାନ -୨: ଅଂଶଗ୍ରହଣକାରୀମାନଙ୍କୁ ପାକଶାଳା ବଗିଚାର ନିମ୍ନଲିଖିତ ଉପାଦେୟତା ବିଷୟରେ ବୁଝାନ୍ତୁ:

• ସବୁଦିନେ ସତେଜ ପରିବା ମିଳିପାରିବ I
• ନିଜ ଉଦ୍ୟାନରୁ ପରିବା ଉତ୍ପାଦନ କରି ଖାଇଲେ ଆତ୍ମତୃପ୍ତି ମିଳିଥାଏ I
• ବଳକା ପାଣି ଓ ଆବର୍ଜନାକୁ ବ୍ୟବହାର କରି ପରିବା ଚାଷ କରିହେବ I
• ପନିପରିବା କିଣିବା ପାଇଁ ଖର୍ଚ୍ଚାନ୍ତ ହେବାକୁ ପଡି ନ ଥାଏI
• କମ ପରିଶ୍ରମରେ ପୁଷ୍ଟିକର ଖାଦ୍ୟ ମିଳିପାରିବ I
• ଅବସର ସମୟର ଉତ୍ତମ ବିନିଯୋଗ ହୋଇ ପାରିବ I
• ଶାରୀରିକ ଶ୍ରମ ଫଳରେ ଦେହ ସୁସ୍ଥ ରୁହେ I

ସୋପାନ -୩: ଅଂଶଗ୍ରହଣକାରୀମାନଙ୍କୁ ସେମାନେ ପ୍ରତିଦିନ ଆବଶ୍ୟକ କରୁଥିବା ପନିପରିବାର ପରିମାଣ ବିଷୟରେ ସଚେତନ କରନ୍ତୁ I ସେମାନଙ୍କୁ ବୁଝାନ୍ତୁ ଯେ ଏକ ବୟସ୍କ ବ୍ୟକ୍ତି ଦିନକୁ ପ୍ରାୟ ୩୫୦ ଗ୍ରାମ ପରିବା ଆବଶ୍ୟକ କରେ I ଛଅ ଜଣ ସଦସ୍ୟ ବିଶିଷ୍ଟ ଗୋଟିଏ ପରିବାରର ଦିନକୁ ୨୧୦୦ ଗ୍ରାମ ପରିବାର ଆବଶ୍ୟକତା ରହିଥାଏ I ଭୋଜନରେ ବିଭିନ୍ନ ପ୍ରକାର ପରିବାପତ୍ର ଯଥା ସବୁଜ ପରିବା, ବିନ୍ସ, ମୂଳ ଜାତୀୟ ପନିପରିବା, ସାଲାଡ଼ ଇତ୍ୟାଦି ଅନ୍ତର୍ଭୁକ୍ତ କରିବାପାଇଁ ସେମାନଙ୍କୁ ପରାମର୍ଶ ଦିଅନ୍ତୁ I ସ୍ୱାସ୍ଥ୍ୟ ପାଇଁ ଲେମ୍ବୁ, ଅମୃତ ଭଣ୍ଡା, ସଜନା ଛୁଇଁ ଅତି ଉତ୍ତମ I ସେମାନଙ୍କୁ କୁହନ୍ତୁ ଯେ ଏକ ପାକଶାଳା ବଗିଚା ପ୍ରସ୍ତୁତ କଲାବେଳେ ବିଭିନ୍ନ ପ୍ରକାର ପରିବା ଚାଷ କରିବା ଉଚିତ ଯଦ୍ୱାରା ସେମାନେ ଏକ ସନ୍ତୁଳିତ ଆହାର ପାଇପାରିବେ I

ସୋପାନ -୪: ସେମାନଙ୍କୁ ବୁଝାନ୍ତୁ ଯେ ପରିବାପତ୍ରରେ ବିଭିନ୍ନ ପ୍ରକାର ପୋଷକ ରହିଥାଏ ଯାହା ଶରୀରକୁ ସୁସ୍ଥ ରଖିବା ପାଇଁ ସାହାଯ୍ୟ କରିଥାଏ I ବିଭିନ୍ନ ପ୍ରକାର ପରିବାରେ ରହିଥିବା ପୋଷକ ମାତ୍ରା ବିଷୟରେ ସଚେତନ କରିବାପାଇଁ ନିମ୍ନ ପ୍ରଦତ୍ତ ଚାର୍ଟ ଅଂଶଗ୍ରହଣକାରୀମାନଙ୍କୁ ଦେଖାନ୍ତୁ I:

ଉପସଂହାର

ଅଧିବେଶନର ଶେଷ ଆଡକୁ ଜଣେ ଅଂଶଗ୍ରହଣକାରୀମାନଙ୍କୁ ପଚାରନ୍ତୁ ଯେ ସେମାନେ ନିଜ ନିଜର ପାକଶାଳା ବଗିଚାରେ କେଉଁ ପ୍ରକାର ପନିପରିବା ଚାଷ କରିଥାଆନ୍ତି I ଏକ ସନ୍ତୁଳିତ ଆହାର ପାଇବା ପାଇଁ ନିଶ୍ଚିତ କରନ୍ତୁ ଯେ ସେମାନେ ପାକଶାଳା ବଗିଚାରେ ସବୁ ପ୍ରକାର ପରିବା ଯଥା ସବୁଜ ପନିପରିବା, ମୁଳ ଜାତୀୟ ପରିବା ଏବଂ ବିନ୍ସ ଚାଷ କରିବାର ଉପାଦେୟତାକୁ ଠିକ ଭାବରେ ବୁଝିଛନ୍ତି I

ଆଧାର – ପୋର୍ଟାଲ ଟିମ