ଫସଲ ସୁରକ୍ଷାକାରୀ ବିଷ
ଫସଲ ସୁରକ୍ଷାକାରୀ ବିଷ
ଲକ୍ଷ୍ୟ
ମଡ୍ୟୁଲର ଶେଷ ଆଡକୁ ଅଂଶଗ୍ରହଣକାରୀମାନେ ଫସଲ ସୁରକ୍ଷାକାରୀ ବିଷର ସଂଗ୍ରହ, ସୁରକ୍ଷିତ ଭାବେ ବ୍ୟବହାର ଏବଂ ପ୍ରଭାବୀ ଢଙ୍ଗରେ ନିଜ ଚାଷ ଜମିରେ ପ୍ରୟୋଗ ବିଷୟରେ ଜାଣିବେ I
ଶିକ୍ଷଣୀୟ ଉଦ୍ଦେଶ୍ୟ
- କୀଟ ନାଶକର ସୁରକ୍ଷିତ ଏବଂ ଉଚିତ ବ୍ୟବହାର ବିଷୟରେ ଚାଷୀମାନଙ୍କୁ ସମ୍ବେଦନଶୀଳ କରିବା I
- ଫସଲ ସୁରକ୍ଷାକାରୀ ବିଷ ବ୍ୟବହାର କରିବା ସମୟରେ "କରନ୍ତୁ" ଏବଂ "କରନ୍ତୁ ନାହିଁ" ବିଷୟରେ ଚାଷୀମାନଙ୍କୁ ମୌଳିକ ଜ୍ଞାନ ଦେବା I
- ଫସଲ ସୁରକ୍ଷାକାରୀ ବିଷର ଅସୁରକ୍ଷିତ ବ୍ୟବହାର କଲେ ମଣିଷ, ଜୀବଜନ୍ତୁ ଏବଂ ପରିବେଶ ଉପରେ ଏହାର କୁପ୍ରଭାବ ବିଷୟରେ ଚାଷୀମାନଙ୍କୁ ସମ୍ବେଦନଶୀଳ କରିବା I
ପ୍ରୟୋଜନ
ଗ୍ରାମାଞ୍ଚଳରେ ଚାଷ କରାଯାଉଥିବା ଅନେକ ଫସଲରେ ରୋଗ ପୋକ ସଂକ୍ରମଣ କାରଣରୁ ଅତ୍ୟଧିକ କ୍ଷତି ହୋଇଥାଏ I ଡାଲି ଜାତୀୟ ଫସଲ, ମକା, କପା ଇତ୍ୟାଦି ରୋଗ ପୋକର ବିନା ନିୟନ୍ତ୍ରଣ ଏବଂ ଫସଲ ସୁରକ୍ଷାକାରୀ ବିଷର ବିନା ବ୍ୟବହାରରେ ଲାଭଦାୟକ ଭାବେ ଚାଷ କରି ହେବ ନାହିଁ I ତେଣୁ ଅମଳ ବୃଦ୍ଧି କରିବା ପାଇଁ କୀଟ ନାଶକ ବ୍ୟବାହାର କରିବା ଅପରିହାର୍ଯ୍ୟ I କିନ୍ତୁ ବଜାରରେ ମିଳୁଥିବା ସମସ୍ତ ପ୍ରକାର ରାସାୟନିକ କୀଟ ନାଶକ ସଦା ସର୍ବଦା ବିଷାକ୍ତ ହୋଇଥାଏ ଏବଂ ସଜୀବ ଜୀବଜନ୍ତୁ ଯଥା ମଣିଷ ଏବଂ ଗୃହ ପାଳିତ ପଶୁମାନଙ୍କ ଉପରେ କ୍ଷତିକାରକ ପ୍ରଭାବ ପକାଇଥାଏ I ଏହା ସାଧାରଣ ଚର୍ମ ଜ୍ୱଳନ ଠାରୁ ଆରମ୍ଭ କରି ଅକାଳ ପ୍ରସବ କିମ୍ବା ମଣିଷ ଏବଂ ପଶୁମାନଙ୍କ ମଧ୍ୟରେ କର୍କଟ ରୋଗର କାରଣ ହୋଇପାରେ I ଏହାସହ ଫସଲ ସୁରକ୍ଷାକାରୀ ବିଷ ମୃତ୍ତିକା, ଜଳ ଏବଂ ପରିବେଶକୁ ଦୂଷିତ କରିପାରେ I ଏହା ଖାଦ୍ୟରେ ରସାୟନର ଅବଶେଷ ଛାଡିଥାଏ ଯାହା ମଣିଷ ଏବଂ ଗୃହ ପାଳିତ ପଶୁମାନଙ୍କ ଭିତରେ ପହଞ୍ଚି ଥାଏ I ଏହାଛଡା, ପରିବେଶରେ ଥିବା ଅନ୍ୟାନ୍ୟ ଅଣ-ଲକ୍ଷ୍ୟ ସଜୀବ ପଦାର୍ଥ ଉପରେ ମଧ୍ୟ ଏହାର ପ୍ରଭାବ ପଡିଥାଏ I ତଥାପି ଫସଲ ସୁରକ୍ଷାକାରୀ ବିଷର ବ୍ୟବହାରକୁ ଆମେ ଏଡାଇ ପାରିବା ନାହିଁ ଯାହା ଫସଲର ସୁରକ୍ଷା ପାଇଁ ଅତ୍ୟନ୍ତ ଅପରିହାର୍ଯ୍ୟ I ଫସଲ ସୁରକ୍ଷାକାରୀ ବିଷର କେବଳ ସୁରକ୍ଷିତ ଏବଂ ଉଚିତ ବ୍ୟବହାର ଆମକୁ ଏହାର କୁପ୍ରଭାରୁ ସୁରକ୍ଷା ଦେଇ ପାରିବ I ତଦନୁସାରେ ଏହି ମଡ୍ୟୁଲର ଧ୍ୟାନ ଫସଲ ସୁରକ୍ଷାକାରୀ ବିଷର ସୁରକ୍ଷିତ ବ୍ୟବହାର ଉପରେ କେନ୍ଦ୍ରିତ ହୋଇଅଛି I ଏହି ପ୍ରଶିକ୍ଷଣ ମଡ୍ୟୁଲ୍ ଅତ୍ୟନ୍ତ ଶିକ୍ଷାପ୍ରଦ ଯାହା ଚାଷୀମାନଙ୍କୁ ଫସଲ ସୁରକ୍ଷାକାରୀ ବିଷର ସୁରକ୍ଷିତ ବ୍ୟବହାର ବିଷୟରେ ବହୁମୂଲ୍ୟ ସୂଚନା ଦେଇଥାଏ I ଫସଲ ସୁରକ୍ଷାକାରୀ ବିଷର ସୁରକ୍ଷିତ ବ୍ୟବହାର ମଧ୍ୟରେ ନିର୍ଦ୍ଦିଷ୍ଟ କୀଟ ଦମନ କରିବାପାଇଁ ସଠିକ କୀଟ ନାଶକର ନିର୍ବାଚନ ତଥା ଏହାର ସଠିକ ସମୟରେ ଉପଯୁକ୍ତ ପରିମାଣ ପ୍ରୟୋଗ କରିବା ଅନ୍ତର୍ଭୁକ୍ତ I
ଫସଲ ରକ୍ଷଣ ରସାୟନର ବ୍ୟବହାର ମଡ୍ୟୁଲ୍ ତିନି ଗୋଟି ଅଧିବେଶନକୁ ନେଇ ଗଠିତ
- ଅଧିବେଶନ ୭.୧: ଫସଲ ସୁରକ୍ଷାକାରୀ ବିଷ କ୍ରୟ କରିବା ସମୟରେ ସାବଧାନତା I
- ଅଧିବେଶନ ୭.୨: ଫସଲ ସୁରକ୍ଷାକାରୀ ବିଷର ପରିବହନ, ମହଜୁଦ ଏବଂ ନିଷ୍କୃତି କରିବା ସମୟରେ ସାବଧାନତା I
- ଅଧିବେଶନ ୭.୩: ଫସଲ ସୁରକ୍ଷାକାରୀ ବିଷର ପ୍ରୟୋଗ ସମୟରେ ସାବଧାନତା I
ଆଧାର – ପୋର୍ଟାଲ ଟିମ
Last Modified : 4/26/2020
