ଅଧିବେଶନ ୩.୧ |
ପରିବାରରେ ନିଷ୍ପତ୍ତି ଗ୍ରହଣ ( ସବୁ ସ୍ତରରେ ) I |
ଉଦ୍ଦେଶ୍ୟ |
ପରିବାରରେ ନିଷ୍ପତ୍ତି ନେବାର ଅଧିକାର କାହାର ଅଛି ଜାଣିବା ଏବଂ ନିଷ୍ପତ୍ତି ନେବା ପ୍ରକ୍ରିୟାକୁ କିପରି ଭାବରେ ଅଧିକ ନ୍ୟାୟସଙ୍ଗତ କରିହେବ I |
ପଦ୍ଧତି |
ପୋଷ୍ଟର ପ୍ରଦର୍ଶନ ମାଧ୍ୟମରେ ଆଲୋଚନା ଏବଂ ପାରସ୍ପରିକ ବିମର୍ଶ I |
ଅଂଶଗ୍ରହଣକାରୀ |
ମହିଳା ଚାଷୀ ଏବଂ ସେମାନଙ୍କର ସ୍ୱାମୀ I |
ସଭା ସ୍ଥାନ |
ଗୋଷ୍ଠୀ କେନ୍ଦ୍ର/ ଅଂଶଗ୍ରହଣକାରୀମାନଙ୍କ ବସିବା ପାଇଁ ତଥା ପୋଷ୍ଟର ଓ କାର୍ଡ୍ ପ୍ରଦର୍ଶନ କରିବା ପାଇଁ ଯଥେଷ୍ଟ ସ୍ଥାନ I |
ଦରକାରୀ ସାମଗ୍ରୀ |
ଏକ ସେଟ ମହିଳା ପୋଷ୍ଟର, ଏକ ସେଟ ପୁରୁଷ ପୋଷ୍ଟର ଏବଂ ମହିଳା ଓ ପୁରୁଷ ଏକାଠି ଥିବା ପୋଷ୍ଟର, ପରିବାରରେ ମୁଖ୍ୟ ନିଷ୍ପତ୍ତି ନିଆଯାଉଥିବା ପୋଷ୍ଟର, ରଙ୍ଗୀନ୍ ମାର୍କର,ଖାଲିଥିବା ରଙ୍ଗୀନ୍ ସୂଚକ କାର୍ଡ଼, ଟେପ I |
ସମୟସୀମା |
ଶ୍ରେଣୀ କକ୍ଷ ଅଧିବେଶନ – ଏକରୁ ଦେଢ ଘଣ୍ଟା I |
ନିଷ୍ପତ୍ତି ନେବାର ପ୍ରକ୍ରିୟା ପ୍ରତି ପରିବାର ପାଇଁ ଅଲଗା ଅଲଗା ହୋଇଥାଏ ଏବଂ ଏହା ପରିବାରର ଆୟ ଓ ଜୀବନ ଶୈଳୀ ଉପରେ ବହୁତ ବଡ ପ୍ରଭାବ ପକାଇଥାଏ କାରଣ ଏହି ନିଷ୍ପତ୍ତି ନେବା ପ୍ରକ୍ରିୟା ପରିବାରର ପ୍ରତ୍ୟେକ ସ୍ତରରେ ପ୍ରତିଫଳିତ ହୋଇଥାଏ ଯଥା, ସ୍ୱାସ୍ଥ୍ୟ, ଶିକ୍ଷା, ରୋଜଗାର, ବିବାହ, ପୌଷ୍ଟିକତା, ସାମାଜିକ ବିଧିବିଧାନ ଇତ୍ୟାଦି I ଏହି ଅଧିବେଶନ ଦଳକୁ ବୁଝାଇବାକୁ ଚେଷ୍ଟା କରିବ ଯେ ନିଷ୍ପତ୍ତି ନେବା ପ୍ରକ୍ରିୟା ମିଳିତ ହେବା ଦରକାର ଯେଉଁଠି ଉଭୟ ସ୍ୱାମୀ ଓ ସ୍ତ୍ରୀ ସମ୍ମିଳିତ ହେବା ଆବଶ୍ୟକ କାରଣ ଏହାଦ୍ୱାରା ସେମାନେ ନିଜ ନିଜର ମତାମତକୁ ରଖିପାରିବେ I
ସୋପାନ - ୧: ପ୍ରାରମ୍ଭିକ ଅଭ୍ୟାସ :ଅଂଶଗ୍ରହଣକାରୀମାନଙ୍କୁ ଏକତ୍ର କରି ଅଭ୍ୟାସ ବିଷୟରେ ବୁଝାନ୍ତୁ ।
ଅଂଶଗ୍ରହଣକାରୀମାନଙ୍କୁ ବୁଝାନ୍ତୁ ଯେ ପରିବାରର କଲ୍ୟାଣ ଓ ଭବିଷ୍ୟତ ଯୋଜନା କରିବା ପାଇଁ ପ୍ରତ୍ୟେକ ପରିବାରରେ ଅନେକ ଗୁଡିଏ ନିଷ୍ପତ୍ତି ନିଆଯିବା ଦରକାର I ନିଷ୍ପତ୍ତି ନେବା ପ୍ରକ୍ରିୟାକୁ ଭଲ ଭାବରେ ବୁଝିବା ପାଇଁ ଅଭ୍ୟାସ ଆରମ୍ଭ କରିବା ପୂର୍ବରୁ ଅଂଶଗ୍ରହଣକାରୀମାନଙ୍କୁ ନିମ୍ନ ଲିଖିତ ପରିସ୍ଥିତି ବିଷୟରେ ଚିନ୍ତା କରିବାକୁ କୁହନ୍ତୁ I
ସୋପାନ ୨ : ଏହି ଅଭ୍ୟାସକୁ ଖେଳିବା : ଅଭ୍ୟାସକୁ ଆରମ୍ଭ କରି ଅଂଶଗ୍ରହଣକାରୀମାନଙ୍କୁ ଆଲୋଚନା ମାଧ୍ୟମରେ ଏକ ପରିବାରରେ ବିଭିନ୍ନ ମହତ୍ୱପୂର୍ଣ୍ଣ ସମସ୍ୟା ପାଇଁ ନିଆ ଯାଉଥିବା ନିଷ୍ପତ୍ତି ଗ୍ରହଣ ପ୍ରକ୍ରିୟାସବୁକୁ ସୂଚୀକରଣ କରିବାକୁ କୁହନ୍ତୁ ଯଥା ନୁତନ ବ୍ୟାପାର, କୃଷି ଉପକରଣ କ୍ରୟ କରିବା, ପିଲାଙ୍କ ବିବାହ, କେତୋଟି ପିଲା ଜନ୍ମ ଗ୍ରହଣ କରିବେ, ପିଲାଙ୍କ ଶିକ୍ଷା, ସ୍ୱାସ୍ଥ୍ୟ ସେବା, ସମ୍ପତ୍ତି ବିକ୍ରୟ କରିବା, ଋଣ ନେବା, କେଉଁ ଫସଲ ଚାଷ କରିବା ଇତ୍ୟାଦି I
ସମୂହଦ୍ୱାରା କୁହାଯାଇଥିବା ପ୍ରତ୍ୟେକ ସମସ୍ୟା ପାଇଁ ନିଷ୍ପତ୍ତି କାର୍ଡ଼ ପ୍ରସ୍ତୁତ କରନ୍ତୁ I ବର୍ତ୍ତମାନ ଏହି ନିଷ୍ପତ୍ତି କାର୍ଡ଼ସବୁକୁ ତିନି ଭାଗରେ ବିଭକ୍ତ କରନ୍ତୁ, ଯଥା ପ୍ରଥମ ବର୍ଗରେ ପୁରୁଷମାନଙ୍କଦ୍ୱାରା ନିଆ ଯାଇଥିବା ନିଷ୍ପତ୍ତି ସମ୍ବନ୍ଧୀୟ କାର୍ଡ଼, ଦ୍ୱିତୀୟ ବର୍ଗରେ ମହିଳାମାନଙ୍କଦ୍ୱାରା ନିଆ ଯାଇଥିବା ନିଷ୍ପତ୍ତି ସମ୍ବନ୍ଧୀୟକାର୍ଡ଼ ଏବଂ ତୃତୀୟ ବର୍ଗରେ ମିଳିତ ଭାବେ ନିଆ ଯାଇଥିବା ନିଷ୍ପତ୍ତି ସମ୍ବନ୍ଧୀୟକାର୍ଡ଼ I ବର୍ଗୀକରଣ କରିବା ପାଇଁ ତଳେ ଦିଆଯାଇଥିବା ପ୍ରକ୍ରିୟାକୁ ଅନୁସରଣ କରନ୍ତୁ I
ଅଂଶଗ୍ରହଣକାରୀମାନଙ୍କୁ "କେବଳ ମହିଳା", "କେବଳ ପୁରୁଷ" ଏବଂ "ପୁରୁଷ ଓ ମହିଳା ଏକତ୍ର" ଚିତ୍ରସବୁକୁ କିଛି ଦୂରତା ବ୍ୟବଧାନରେ ଚଟାଣ ଉପରେ ରଖିବାକୁ କୁହନ୍ତୁ I ତା'ପରେ ସାଧାରଣ ଭାବେ ବର୍ତ୍ତମାନର ପ୍ରଚଳିତ ପ୍ରଥା ଅନୁସାରେ ନିଆ ଯାଉଥିବା ନିଷ୍ପତ୍ତି ପ୍ରକ୍ରିୟା ଅନୁସାରେ ସେମାନଙ୍କୁ ଏହି ତିନୋଟି ଚିତ୍ର ଯଥା "କେବଳ ମହିଳା", "କେବଳ ପୁରୁଷ" ଏବଂ "ପୁରୁଷ ଓ ମହିଳା ଏକତ୍ର" ଚିତ୍ରସବୁର ତଳେ ସମସ୍ୟାସବୁକୁ ଦର୍ଶାଉଥିବା ଚିତ୍ରିତ କାର୍ଡ଼ଗୁଡିକୁ ରଖିବାକୁ କୁହନ୍ତୁ I ସବୁ ସମସ୍ୟାରେ ଦରକାର ହେଉଥିବା ନିଷ୍ପତ୍ତି ସବୁ ଏହି ତିନୋଟି ଚିତ୍ର ମଧ୍ୟରେ ବାଣ୍ଟିସାରିବା ପରେ ଏହି ଅଭ୍ୟାସକୁ ବିଶ୍ଲେଷଣ କରନ୍ତୁ I
ସୋପାନ ୩ : ଆଲୋଚାନାର ନେତୃତ୍ୱ ନିଅନ୍ତୁ : ନିମ୍ନ ଲିଖିତ ପ୍ରଶ୍ନ ସବୁର ଆଧାରରେ ଆଲୋଚନାକୁ ସଞ୍ଚାଳନ କରନ୍ତୁ :
ଏପରି ଏକ ମହତ୍ୱପୂର୍ଣ୍ଣ "ମିଳିତ ନିଷ୍ପତ୍ତି"ର ଉଦାହରଣ ଦେବାକୁ କୁହନ୍ତୁ ଯେଉଁ ପ୍ରକ୍ରିୟାରେ ଉଭୟ ଜୀବନସାଥୀଙ୍କ ସମାନ ମତାମତ ଥିଲା ଏବଂ ସହମତି ହୋଇଥିଲା:
ସୋପାନ ୪ :ପ୍ରତିଫଳନ ଏବଂ କାର୍ଯ୍ୟବାହୀ : ବର୍ତ୍ତମାନ ସବୁ ପୁରୁଷ ଓ ମହିଳା ସମୂହଗୁଡିକୁ ଏକତ୍ର କରନ୍ତୁ I ନିମ୍ନ ପ୍ରଦତ୍ତ ଦିଗବିଷୟରେ ସେମାନଙ୍କ ମତାମତ ଦେବାକୁ କୁହନ୍ତୁ I.
ଅଧିବେଶନକୁ ସମାପ୍ତି କରିବା ବେଳେ ଅଂଶଗ୍ରହଣକାରୀମାନଙ୍କୁ ପଚାରନ୍ତୁ ଯେ ନିଷ୍ପତ୍ତି ଗ୍ରହଣ ପ୍ରକ୍ରିୟାରେ ସେମାନେ କିପରି ପରିବର୍ତ୍ତନ ଆଣିପାରିବେ ଯେଉଁଥିରେ କି ଉଭୟ ସ୍ୱାମୀ ଓ ସ୍ତ୍ରୀ ସେମାନଙ୍କର ଜ୍ଞାନ କୌଶଳକୁ ଉପଯୋଗ କରି ଏକ ନିର୍ଣୟରେ ପହଞ୍ଚିପାରିବେ I ଏହି ପ୍ରକ୍ରିୟାରେ ନିଷ୍ପତ୍ତିର ସବୁଦିଗକୁ ପୁଂଖାନୁପୁଂଖ ଭାବେ ଆଲୋଚନା କରାଯାଇ ନିର୍ଣୟନେବା ପୂର୍ବରୁ ଏହାର ଲାଭ ଓ କ୍ଷତିକୁ ଚିହ୍ନଟ କରାଯାଇପାରିବ I ସେମାନଙ୍କୁ କୁହନ୍ତୁ ଯେ ମହିଳାମାନଙ୍କୁ ନିଷ୍ପତ୍ତି ଗ୍ରହଣ ପ୍ରକ୍ରିୟାରେ ସାମିଲ କରିବା ପାଇଁ ପୁରୁଷମାନେ ନିଜର ମାନସିକତାରେ ପରିବର୍ତ୍ତନ ଆଣିବାକୁ ପଡିବ I ଏଥିରୁ ଅନୁମାନ କରାଯାଏ ଯେ, ପାଥୱେଜ୍ ପ୍ରକଳ୍ପ ଏହାର ଲକ୍ଷ୍ୟଧାର୍ଯ୍ୟ ସମୂହମାନଙ୍କ ମଧ୍ୟରେ ଏହି ପରିବର୍ତ୍ତନ ଆଣିବାକୁ ସମର୍ଥ ହୋଇ ପାରିବ I
ଆଧାର – ପୋର୍ଟାଲ ଟିମ
Last Modified : 5/8/2020