অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

ତୈଳବୀଜ ଫସଲରେ ଜଳ ପରିଚାଳନା

ଫସଲରେ ଜଳ ପରିଚାଳନା

ସୋରିଷ ପାଇଁ ଖୁବ୍ କମ୍ ଜଳସେଚନ ଆବଶ୍ୟକ । ଫୁଲ-ଫଳ ଧରିବା ଓ ବଢିବା ଅବସ୍ଥାରେ ଦୁଇ –ତିନି ଥର ଜଳସେଚନ କରନ୍ତୁ। ରାଶି ଫସଲ ପାଇଁ ମାତ୍ର ପଚିଶ ସେମି ଜଳ ଆବଶ୍ୟକ । ଦଶ-ବାର ଦିନ ଅନ୍ତରରେ ପାଞ୍ଚ ଥର  ଜଳସେଚନ କରନ୍ତୁ । ସୂର୍ଯ୍ୟମୁଖୀ  ପାଇଁ ଚାଳିଶ ସେମି ପାଣି ଦରକାର । କଢ ଫୁଲ ଓ ଦାନା ଧରିବା ବେଳ ଏହି ଫସଲର ସଙ୍କଟ ସମୟ । ଏହି ସମୟରେ ନିଶ୍ଚିତ ଭାବେ ଜଳସେଚନ କରନ୍ତୁ । ଜଳସେଚନ ସୁବିଧା ଥିବା ସ୍ଥାନରେ ପ୍ରଥମେ ଦଶରୁ ବାର ଦିନ ଏବଂ ପରେ ଆଠରୁ ଦଶ ଦିନ ଅନ୍ତରରେ ଅତି କମ୍ ରେ ଛଅ ଥର ଜଳସେଚନ କରନ୍ତୁ । ଚିନାବାଦାମ ଫସଲର ଅମଳ ସମୟ ପ୍ରାୟ ଚାରି ମାସ । ଏହି ସମୟରେ ଚିନାବାଦାମ ଚାଳିଶରୁ ପଞ୍ଚାବନ ସେମି ଜଳ ଆବଶ୍ୟକ କରେ ମୃତ୍ତିକା ଭେଦରେ ପ୍ରଥମେ ଦଶରୁ ବାର ଦିନ ବ୍ୟବଧାନରେ ଓ ପରେ ଆଠରୁ ଦଶ ଦିନ ବ୍ୟବଧାନରେ ଛଅରୁ ଆଠ ଥର ଜଳସେଚନ କରନ୍ତୁ ।

ମାଣ୍ଡିଆ

ମାଣ୍ଡିଆ ରୋଇବାର ତିନି ସପ୍ତାହ ହୋଇଯାଇଥିଲେ, ଘାସ ବାଛି କୋଡାଖୁସା କରନ୍ତୁ । ଏକର୍ ପ୍ରତି ଆଠ କିଗ୍ରା ଯବକ୍ଷାରଜାନ ପ୍ରୟୋଗ କରନ୍ତୁ । ସାର ପ୍ରୟୋଗ ପରେ ଜଳସେଚନ କରନ୍ତୁ । ତିନି ସପ୍ତାହର ମାଣ୍ଡିଆ ତଳିକୁ ଧାଡି ମଧ୍ୟରେ କୋଡିଏ ସେମି ଓ ଗଛ ମଧ୍ୟରେ ଦଶ ସେମି ବ୍ୟବଧାନ ରଖି ରୁଅନ୍ତୁ । ମାଟି ପରୀକ୍ଷା କରିଥିଲେ, ଅନୁମୋଦିତ ସାର ପ୍ରୟୋଗ କରନ୍ତୁ । ପରୀକ୍ଷା କରି ନ ଥିଲେ ୨୪-୧୨-୧୨(ମଧ୍ୟମ କିସମ ) ଓ ୧୬-୧୨-୧୦ (ସଅଳ କିସମ ) ଅନୁପାତରେ ଯବକ୍ଷାରଜାନ, ଫସ୍ଫରସ୍ ଓ ପଟାସ୍ ସାର ପ୍ରୟୋଗ କରନ୍ତୁ । ରୋଇବା ସମୟରେ ଅଧା ଯବକ୍ଷାରଜାନ ସାର ସହ ସମସ୍ତ ଫସ୍ଫରସ୍ ଓ ପଟାସ୍ ସାର ପକାନ୍ତୁ । ଅବଶିଷ୍ଟ ପଚାଶ ଭାଗ ଯବକ୍ଷାରଜାନ ସାରକୁ ରୋଇବାର ତିନି ସପ୍ତାହ ପରେ କୋଡାଖୁସା କରି ପ୍ରୟୋଗ କରନ୍ତୁ ।

କାଜୁରେ ରୋଗପୋକ ଦମନ

କାଜୁରେ କାଣ୍ଡ ଓ ଚେରବିନ୍ଧା ପୋକର ଦମନ ପାଇଁ ଆକ୍ରାନ୍ତ ଅଞ୍ଚଳରୁ ଶତକଡା ପଚାଶ ଭାଗ କବକ ଗୋଲେଇରେ ଛଡାଇଦିଅନ୍ତୁ। ପ୍ରତି ବୃକ୍ଷ ମୂଳରେ ମନ୍ଦା କରି ଏକ ମିଲି ମନୋକ୍ରୋଟସ୍ ପ୍ରୟୋଗ କରନ୍ତୁ । ଉକୁଣିଆ ପୋକର ଦମନ ପାଇଁ ପ୍ରତି ଲିଟର୍ ପାଣିରେ ଦୁଇ ମିଲି ମିଥାଇଲ୍ ଡିମେଟନ୍ ସେଚନ କରନ୍ତୁ ।

ଗୋଟିଏ ଗଛ ପ୍ରତି ୧୦-୨୦କିଗ୍ରା ଖତ,୭୫୦ଗ୍ରାମ୍ ଯବକ୍ଷାରଜାନ, ୧୨୫ଗ୍ରାମ୍ ଫସ୍ଫରସ୍ ଏବଂ ୧୨୫ ଗ୍ରାମ୍ ପଟାସ୍ ସାର ପ୍ରୟୋଗ କରନ୍ତୁ । ଗଛ ମୂଳକୁ ଏକ ମିଟର୍ ବ୍ୟାସାର୍ଦ୍ଧ ପରିମିତ ଅଞ୍ଚଳରୁ ଅନାବନା ଘାସ ବାଛିଦିଅନ୍ତୁ । ପ୍ରତି ଗଛରେ କୋଡିଏ – ପଚିଶ ଲିଟର୍ ପାଣି ଢାଳନ୍ତୁ ।

ଖରାଟିଆ ଚିନାବାଦାମ

ତାପମାତ୍ରା ବଢୁଥିବାରୁ ଚିନାବାଦାମ ଲଗାଇବା କାର୍ଯ୍ୟ ଶୀଘ୍ର ସାରନ୍ତୁ । ଅଧିକ ଅମଳକ୍ଷମ ଉନ୍ନତ ବିହନ : ସ୍ମୃତି, ଏକେ ୧୨-୨୪, କିସାନ (ଓଜି୧୩-୩), ଜବାନ (ଓଜି୭୧-୩ ), ଫୁଲେ ପ୍ରଗତି (ଜେଏଲ୍୦୨୪),ଟିଜି ୩୮ । ଧାଡି ମଧ୍ୟରେ ୨୫ସେମି ଓ ମଞ୍ଜି ମଧ୍ୟରେ ୧୦ସେମି ବ୍ୟବଧାନ ରଖନ୍ତୁ ।  ଏକର ପ୍ରତି ୫୦କିଗ୍ରା ଚୋପା ଛଡା ବିହନ ବ୍ୟବହାର କରନ୍ତୁ । ବୁଣିବାର ସାତ ଦିନ ପୂର୍ବରୁ ପ୍ରତି କିଗ୍ରା ବିହନକୁ ଦୁଇ ଗ୍ରାମ୍ କାର୍ବେଣ୍ଡାଜିମ୍ ଗୋଳାଇ ବିଶୋଧିତ କରନ୍ତୁ । ପ୍ରତି କିଗ୍ରା ବିହନକୁ କୋଡିଏ ଗ୍ରାମ୍ ରାଇଜୋବିୟମ୍ କଲ୍ଚର୍ ଦ୍ଵାରା ଉପଚାର କରନ୍ତୁ । ରାଇଜୋବିୟମ୍ କଲ୍ଚର୍ ଉପଚାର ବେଳେ ପ୍ରତି ୧୦ କିଗ୍ରା ବିହନରେ ତିନି ଗ୍ରାମ୍ ଆମୋନିୟମ୍ ମଲିବ୍ଡେଟ୍ ମିଶାନ୍ତୁ । ଏହା ଦ୍ଵାରା ଅଧିକ ଅମଳ ହୁଏ । ଶେଷ ଓଡ ଚାଷ ବେଳେ ଏକର୍ ପ୍ରତି ଦଶ କୁଇଣ୍ଟାଲ୍ କମ୍ପୋଷ୍ଟ୍    ପ୍ରୟୋଗ କରନ୍ତୁ । ଏକର୍ ପ୍ରତି ମୂଳ ସାର ଭାବେ ୮କିଗ୍ରା ଯବକ୍ଷାରଜାନ,୧୬ କିଗ୍ରା ଫସ୍ଫରସ୍ ଓ ୧୬ କିଗ୍ରା ପଟାସ୍ ବ୍ୟବହାର କରନ୍ତୁ ।

ଆଳୁ

ଆଗକୁ ବର୍ଷା ଥିବାରୁ ପାକଳ ଆଳୁ ଜମିରେ ନ ରଖି ଯଥା ଶୀଘ୍ର  ଅମଳ କରନ୍ତୁ । ଅମଳ ପରେ ବିହନ ପାଇଁ ପଚିଶରୁ ତିରିଶ ଗ୍ରାମ୍ ଓଜନର ଭଲ ଆଳୁ ରଖନ୍ତୁ ।

ସେଗୁଡିକୁ ସଫା ପାଣିରେ ଧୋଇ, ପ୍ରତି ଲିଟର ପାଣିରେ ତିରିଶ ଗ୍ରାମ୍ ବୋରିକ୍ ଅମ୍ଳ ମିଶାଇ, ସେଥିରେ ତିରିଶ ମିନିଟ୍ ଭିଜାଇ ଛାଇରେ ଶୁଖାନ୍ତୁ । ଭଲ ଭାବେ ଶୁଖିଯିବା ପରେ ଅଖା ମୁଣାରେ ଭର୍ତ୍ତି କରି ଶୀତଳ ଭଣ୍ଡାରରେ ଚାରି ଡିଗ୍ରୀ ସେଲ୍ସିଅସ୍ ତାପମାତ୍ରାରେ ସାଇତିରଖନ୍ତୁ ।

ଆଧାର – କୃଷି ବିଭାଗ

Last Modified : 1/26/2020



© C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate