ରାଜ୍ୟରେ ଭୂମିହୀନ ଓ ନାମମାତ୍ର ଗରିବ ଚାଷୀମାନେ ଗୋପାଳନ, ଛେଳି ମେଣ୍ଢା ପାଳନକୁ ଜୀବିକା ଭାବରେ ଗ୍ରହଣ କରି ନିଜର ଗୁଜୁରାଣ ମେଣ୍ଟାଇଥାନ୍ତି ।
ଏହି ପ୍ରାଣୀଧନ ବାମା ଯୋଜନା ଚାଷୀ ପାଇଁ ଏକ ଅମୂଲ୍ୟ ସମ୍ପଦ କହିଲେ ଅତ୍ୟକ୍ତି ହେବନି । ଗରିବ ଓ ନିରାଶ ଚାଷୀଙ୍କୁ ଆର୍ଥିକ ସହାୟତା ଯୋଗାଇ ପୁନଶ୍ଚ ଥଇଥାନ କରାଇବା ଉଦ୍ଦେଶ୍ୟରେ ରାଷ୍ଟ୍ରୀୟ ପ୍ରାଣୀଧନ ମିଶନ ମାଧ୍ୟମରେ ଏହି ଯୋଜନା କାର୍ଯ୍ୟକାରୀ ହେଉଅଛି ।
ଚାଷୀ ସମ୍ମୁଖୀନ ହେଉଥିବା ବିଷମ ପରିସ୍ଥିତିର ସଫଳ ପରିଚାଳନା ପାଇଁ ପ୍ରାଣୀଧନର ବୀମାକରଣ କରାଇ ଆର୍ଥିକ କ୍ଷତିପୂରଣ ପ୍ରଦାନ କରିବା ଏ ଯୋଜନାର ଆଭିମୁଖ୍ୟ ।
ଯେଉଁ ଚାଷୀମାନେ ପ୍ରାଣୀପାଳନକୁ ଜୀବିକା ଭାବରେ ଗ୍ରହଣ କରି ନିଜର ଆର୍ଥିକ ସ୍ଥିତିକୁ ସୁଦୃଢ଼ କରିବା ପାଇଁ ପ୍ରୟାସ ଜାରି ରଖୁଛନ୍ତି ସେମାନେ ଉପକୃତ ହୋଇପାରିବେ । ଉଦାହାରଣ ସ୍ଵରୂପ ସାଧାରଣ ବର୍ଗ/ଓବିସି/ଏସସି /ଏସ୍ଟି ଇତ୍ୟାଦି ଏହାର ସୁଫଳ ପାଇପାରିବେ । ବର୍ତ୍ତମାନ ଗାଈ-ଗୋରୁ, ମଇଁଷି, ଛେଳି, ମେଣ୍ଢା ଆଦି ପ୍ରାଣୀଧନଙ୍କୁ ବୀମା ଭୁକ୍ତ କରାଯାଇଛି ।
ଏହି ଯୋଜନା ରାଜ୍ୟର ୩୦ଟି ଜିଲ୍ଲାରେ କାର୍ଯ୍ୟକାରୀ ହେଉଛି । ଏହାଦ୍ଵାରା ଉପରୋକ୍ତ ପ୍ରାଣୀମାନେ ୧ ବର୍ଷରୁ ୩ ବର୍ଷ ପାଇଁ ବୀମାଭୁକ୍ତ ହୋଇପାରିବେ । ଗୃହପାଳିତ ପ୍ରାଣୀଙ୍କର ମୋଟ ଆନୁମାନିକ ମୂଲ୍ୟର ୧.୮ ପ୍ରତିଶତ ରାଶି ଅର୍ଥ ବୀମା ବାବଦକୁ ୧ ବର୍ଷ ଅବଧୂ ପାଇଁ ବୀମା କମ୍ପାନୀକୁ ଦେବାକୁ ପଡ଼ିଥାଏ । ସେହିପରି ୩ ବର୍ଷ ଅବଧୂ ପାଇଁ ପ୍ରାଣୀ ମୂଲ୍ୟର ୩.୮୫ % ବୀମା ଦେବାକୁ ପଡିଥାଏ । ଏହି ମୋଟ ବୀମା ରାଶିର ଅଛୁ କିଛି ଭାଗ ଚାଷୀକୁ ଦେୟ ଆକାରରେ ଦେବାକୁ ପଡ଼େ । ଏବଂ ବାକି ଅଂଶ ସରକାରଙ୍କ ଦ୍ଵାରା ଡ଼ିପୋଜିଟ୍ କରାଯାଏ । ସରକାରୀ ଦେୟ ଚାଷୀକୁ ରିହାତି ଆକାରରେ ଲାଭପ୍ରଦ ହୋଇଥାଏ । ଏହି ନିୟମରେ ବିପିଏଲ୍ /ଏସ୍ସ/ଏସ୍ଟି ଲୋକଙ୍କୁ କମ୍ ବୀମା ରାଶି ଭରଣ କରିବାକୁ ପଡ଼ୁଥିବା ବେଳେ ଏପିଏଲ /ଜେନେର/ ଓବିସି ଚାଷୀମାନଙ୍କୁ ଅଳ୍ପ ଅଧିକା ରାଶି ବୀମା ଦେୟ ଉଦ୍ଦେଶ୍ୟରେ ଦେବାକୁ ପଡ଼େ ।
ଆଗ୍ରହୀ ଚାଷୀମାନେ ନିଜ ଗ୍ରାମ ନିକଟସ୍ଥ ପ୍ରାଣୀ ଚିକିତ୍ସାଳୟରେ କାର୍ଯ୍ୟରତ ପ୍ରାଣୀ ଚିକିତ୍ସକଙ୍କ ସହ ଯୋଗାଯୋଗ କରିବା ବିଧେୟ । ବା ପଞ୍ଚାୟତ ସ୍ତରରେ କାର୍ଯ୍ୟ କରୁଥିବା ପ୍ରାଣୀଧନ ନିରୀକ୍ଷକଙ୍କଠାରୁ ଏ ସମ୍ବନ୍ଧରେ ପରାମର୍ଶ ନେଇପାରିବେ ।
ଲେଖା ଏବଂ ପ୍ରାପ୍ତ - ଡ. ଅମିତାଭ ପଣ୍ଡା, ମୋ – ୯୯୩୮୩୨୦୫୦୬
Last Modified : 1/2/2020