କାଜୁ ଫସଲରେ ଚା’ ମଶକ କୀଟ ଦମନ

ଜୈବିକ  ଉପାୟରେ  କୀଟ  ଦମନ

ନାଲି ପିମ୍ପୁଡି  କାଜୁ ବଗିଚାରେ ଉପଲବ୍ଧ  ହେଲେ  ସେମାନଙ୍କୁ ବିନାଶ ନ କରି ସେମାନଙ୍କର ସଂରକ୍ଷଣ  ପ୍ରତି  ଧ୍ୟାନ ଦେବା  ଆବଶ୍ୟକ  । ଏହି ପିମ୍ପୁଡି  ଚା’ ମଶକ କୀଟକୁ ଖାଇ ଜୀବନ  ଧାରଣ କରନ୍ତି  । ନାଲି  ପିମ୍ପୁଡିକୁ  ଚା’ ମଶକ  କୀଟ  ଦମନ  କରିବା  ଲାଗି  କେରଳ  କନ୍ନୁର  ଜିଲ୍ଲାରେ  ୦୧.୨୫ ହେକ୍ଟର  ବଗିଚାରେ  ଗବେଷଣା  ପ୍ରାୟ  ୫ ବର୍ଷ  ପର୍ଯ୍ୟନ୍ତ  ଲଗାତର  କରାଯାଇଥିଲା  । ବଗିଚାର  ଅର୍ଦ୍ଧେକ  ଫସଲରେ  ଆବଶ୍ୟକ ମୁତାବକ ନାଲି ପିମ୍ପୁଡି କାଜୁ ଗଛରେ  ଛଡା ଯାଇଥିଲା  । ଅନ୍ୟ  ଅର୍ଦ୍ଧେକ   ଫସଲରେ ନାଲି ପିମ୍ପୁଡି ପ୍ରୟୋଗ ହୋଇ ନଥିଲା  । ବଗିଚାରେ କୌଣସି କୀଟନାଶକ ପ୍ରୟୋଗ  କରାଯାଇନଥିଲା ୫ ବର୍ଷ ଗବେଷଣାରୁ ଜଣା ପଡିଲା ଯେ ଯେଉଁ  ଅର୍ଦ୍ଧେକ  କାଜୁ ଫସଲରେ ନାଲି ପିମ୍ପୁଡି  ଛଡା  ହୋଇଥିଲେ  ସେଥିରେ ୯୯ ପ୍ରତିଶତ  ଗଛକୁ ଚା’ମଶକ କୀଟ  ଆକ୍ରମଣ କରି ନ ଥିଲେ  । କିନ୍ତୁ  ଅନ୍ୟ  ଅର୍ଦ୍ଧେକ କାଜୁ ଫସଲରେ ୨୦.୪୫ ରୁ ୯୨.୯ ପ୍ରତିଶତ କାଜୁ ଗଛରେ ଚା’ମଶକ କୀଟ  କ୍ଷତି  ଘଟାଇଥିଲେ  ।

ପ୍ରକୃତିରେ ଉପଲବ୍ଧ  ହେଉଥିବା  କେତେକ  ପରାଶ୍ରୟୀ  ଉପକାରୀ  କୀଟ ଯଥା ଟେଲିନୋମଶ କାସପିଜ୍ ଟିଟୋଷ୍ଟ୍ରିକା  ସ୍ପେସିଜ ଏବଂ  ଇରିଥମିଲସ  ହେଲୋପେଲଟିଡିଜ  ଚା’ ମଶକ  କୀଟକୁ   ଖାଇଦିଅନ୍ତି   । ସେହିପରି  ବିଭିନ୍ନ  ପ୍ରଜାତିର ବୁଢୀଆଣି  ଯଥା ଅକ୍ସିଓପିଜ୍  ସିରେଟା, ଫିଲଡିପ୍ସ ପ୍ୟାଚ  ଏବଂ  ହିଲ୍ସ  ସ୍ପେସିଜ ମଧ୍ୟ ଚା’ ନାଶକ କୀଟର ଅର୍ଭକ ଏବଂ ପୂର୍ଣାଙ୍ଗପ୍ରାପ୍ତ କୀଟକୁ ଖାଇ ଦିଅନ୍ତି  । ଏକପ୍ରକାର ଅଷ୍ଟପଦୀ  କୀଟ  ଯଥା  ଲେପ୍ଟେସ  ସ୍ପେସିଜ  ମଧ୍ୟ ଚା’ ମଶକ  କୀଟକୁ ଖାଇ ଦିଅନ୍ତି  । ବର୍ତ୍ତମାନ  ହୋଇଥିବା  ଗବେଷଣାର   ତଥ୍ୟ  ଅନୁଯାୟୀ  ପ୍ରାୟ ୧୧୭ ପ୍ରଜାତିର  ବୁଢିଆଣୀ ଏବଂ ୧୮ ପ୍ରଜାତିର  ଋଦୁଭିଡ୍ ସ  ମଧ୍ୟ  ଚା’ମଶକ  କୀଟକୁ  ଖାଇଥିବାର ତଥ୍ୟ  ମିଳୁଅଛି  । ଏଗୁଡିକ ପୃଥିବୀର ଭିନ୍ନ ଭିନ୍ନ  ରାଷ୍ଟ୍ରର କାଜୁ ବାଦାମ  ଫସଲରେ   ଉପଲବ୍ଧ ହେଉଛି   ।

ଉଦ୍ଦିଦଜାତ  କୀଟନାଶକ

ଏଗୁଡ଼ିକର  ପରିବେଶ ଓ  ଜଳବାୟୁ   ପ୍ରତି  ନିରାପଦ   । ନିମ୍ବତେଲ  କିମ୍ବା   କରଞ୍ଜତେଲ  ଏକଲିଟର   ପାଣିରେ  ୫ ମିଲିମିଟର  ମିଶାଇ   ଫସଲକୁ   ସିଞ୍ଚନ  କାଲେ ଚା’ ମଶକ   କୀଟର   ଉତ୍ପାତ  ହ୍ରାସହୁଏ   । ନିମ୍ବ  ମଞ୍ଜିରୁ  ପ୍ରସ୍ତୁତ  ୫ ପ୍ରତିଶତ  ଦ୍ରବଣ  ତେଲ   ଅପେକ୍ଷା   ଅଧିକ  ଫଳପ୍ରଦ   । ସେହିପରି  କରଞ୍ଜ  ମଞ୍ଜିରୁ  ପ୍ରସ୍ତୁଟି  ୫ ପ୍ରତିଶତ  ଦ୍ରବଣ  ମଧ୍ୟ  ଚା’ ମଶକ  କୀଟକୁ   ବିନାଶ   କରିବା   ପାଇଁ   ସକ୍ଷମ   ।

ଫିମ୍ପିଜାତୀୟ  କୀଟନାଶକର  ପ୍ରୟୋଗ

ବିଭେରିଆ  ବାସିଆନା  ଏବଂ  ମେଟାରାଇଜିୟମ ଆନିସୋପ୍ଳିଏ  ନାମକ ଦୁଇ ଫିମ୍ପି ଚା’ ମଶକ  କୀଟକୁ  ଆକ୍ରମଣ କରି  ତାକୁ  ବିନାଶ  କରନ୍ତି    ।

ରାସାୟନିକ କୀଟନାଶକ ପରିବର୍ତ୍ତେ  ନିମ୍ବଜାତ  କରଞ୍ଜରୁ  ଉତ୍ପନ  କୀଟନାଶକ, ଉଦ୍ଦିଦଜାତ  କୀଟନାଶକ , ଉଦ୍ଦିଦଜାତ  କୀଟନାଶକ ଓ ଫିମ୍ପି  ଜାତୀୟ  କୀଟନାଶକ  ପ୍ରତି  ସର୍ବଦା  ଧ୍ୟାନ  ଦେବା  ଆବଶ୍ୟକ  । ଏସବୁ  ସତ୍ତ୍ୱେ  ଯଦି  ଆଶାନୁରୂପ  ସଫଳତା  ମିଳିପାରେ  ନାହିଁ  ସେହି  ସମୟରେ  ରାସାୟନିକ   କୀଟନାଶକ ପ୍ରୟୋଗ କରିବା ବିଧେୟ   ।

ଆଧାର : କୃଷି ବିଭାଗ