ଘାସମରା ଔଷଧ ବ୍ୟବହାରରେ ସତର୍କତା

ଅନାବନା ଘାସ ନିୟନ୍ତ୍ରଣ

ଅଧୁନା କୃଷି କ୍ଷେତ୍ରରେ ମଜୁରୀ ବୃଦ୍ଧି ଏବଂ ଫସଲରେ ଘାସ ବଛା ସମୟରେ ଲୋକ ଶକ୍ତିର ଅଭାବ ଯୋଗୁଁ ଅନାବନା ଘାସ ନିୟନ୍ତ୍ରଣ କରିବା କଷ୍ଟକର ହୋଇପଡୁଛି । ପୁନଶ୍ଚ ପାଣିପାଗର ଅନିୟମିତତା ଫଳରେ କୋଡା ଖୁସା ଓ ହାତରେ ଘାସ ବାଛିବା ସମ୍ଭବପର ନୁହେଁ ।

ଘାସ ବାଛିବା ସହଜ ନୁହେଁ ।  ଏହି କାର୍ଯ୍ୟରେ ଅଧିକ ପରିଶ୍ରମ ସହିତ କଷ୍ଟସାଧ୍ୟ । ଚାଷ ଜମିରେ ଘାସ ହେଲେ ଶସ୍ୟ ରୋପଣ କରିବାରେ ଅଧିକ ପରିଶ୍ରମ ଲାଗେ । ସେଥିପାଇଁ ଘାସମରା ଔଷଧ ଦ୍ଵାରା ଅନାବନା ଗଛ ଓ ଘାସକୁ ମଧ୍ୟ ସଫା କରିପାରିବେ ।

ଏହି ସମସ୍ୟାକୁ ସୁଧାରିବା ପାଇଁ ବଜାରରେ ମିଳୁଥିବା ଘାସମରା ଔଷଧକୁ ସହଜରେ ଓ ଖୁବ୍ କମ୍ ଖର୍ଚ୍ଚରେ ଅନାବନା ଗଛ ନଷ୍ଟ ହୋଇଥାଏ ।

ରାସାୟନିକ ଔଷଧର ବ୍ୟବହାର ଏବଂ ସତର୍କତାର

ଏହି ରାସାୟନିକ ଔଷଧକୁ ଠିକ୍ ସମୟରେ ଏବଂ ସତର୍କତାର ସହିତ ପ୍ରୟୋଗ କରିବା ଆବଶ୍ୟକ ।

• ପବନ ଜୋରରେ ବୋହୁଥିବା ସମୟରେ ଔଷଧ ସିଞ୍ଚନ କରନ୍ତୁ ନାହିଁ।
• ଔଷଧ ପ୍ରସ୍ତୁତି ଓ ପ୍ରୟୋଗ ସମୟରେ ହାତରେ ଗ୍ଲୋବସ୍ ଓ ଆଖିରେ ଚଷମା ପିନ୍ଧନ୍ତୁ ।
• ଅନାବନା ଗଛରୁ କାକର ଛାଡିବା ପରେ ଅର୍ଥାତ ସକାଳ ୯ଟାରେ ଔଷଧ ସିଞ୍ଚନ କରନ୍ତୁ ।
• ରୁଆ ଧାନରେ ପାଣି ଶୁଖାଇ ଔଷଧ ବ୍ୟବହାର କରିବାରେ ୨-୩ ଦିନ ପରେ କିଆରିରେ ପାଣି ଭରି କରନ୍ତୁ ।
• ଔଷଧ ବ୍ୟବହାର ସମୟରେ କୌଣସି ଖାଦ୍ୟ ଓ ପାନୀୟ ଗ୍ରହଣ କରନ୍ତୁ ନାହିଁ।
• ପରିଷ୍କାର ପାଣି ଓ ପ୍ଲାଷ୍ଟିକ୍ ବାଲାତିରେ ଔଷଧ ପକାନ୍ତୁ ।
• ସ୍ପ୍ରେ କରିବା ପାଇଁ ଫ୍ଲାଟ୍ ପ୍ୟାନ୍ ବା ଫୁଡଜେଟ୍ ଧରଣର ନୋଜଲ ବ୍ୟବହାର କରନ୍ତୁ ।
• ଏହି ଔଷଧ ଗୁଡିକ ବିଷ ହୋଇଥିବାରୁ ମନୁଷ୍ୟ, ପଶୁ ଓ ପିଲାମାନଙ୍କ ଠାରୁ ଦୂରରେ ରହିବା ଉଚିତ ।
• ଔଷଧ ସିଞ୍ଚନ କରିବାର ୮ ଘଣ୍ଟା ପର୍ଯ୍ୟନ୍ତ ବର୍ଷା ନହେବା ଆବଶ୍ୟକ ।
• ସିଞ୍ଚନ ପରେ ସ୍ନେୟର ଟାଙ୍କି, ନଜଲ ଓ ରବର ପାଇପଗୁଡିକୁ ଧୋଇ ଦିଅନ୍ତୁ।
• ଜମିର କ୍ଷେତ୍ରଫଳ ଅନୁସାରେ ଔଷଧକୁ ଠିକ୍ ଭାବରେ ହିସାବ କରି ପ୍ରୟୋଗ କରନ୍ତୁ ।
• ଔଷଧ ଡବାଗୁଡିକ ସରିଗଲେ ଏହାକୁ ମାଟିରେ ଗଭୀର ଗାତ ଖୋଳି ପୋତି ଦଅନ୍ତୁ ।

ଆଧାର - କୃଷି ବିଭାଗ