ଭୁବନେଶ୍ଵରରେ ଚଳିତ ବର୍ଷ ହେବ ଦୁଇ ଦିନିଆ ମେକ ଇନ ଇଣ୍ଡିଆ ସମ୍ମିଳନୀ । ଡିସେମ୍ବର ୧ ଓ ୨ରେ ଏହି ସମ୍ମିଳନୀ ଆୟୋଜିତ ହେବ । ଭାରତ ସରକାରଙ୍କ ଶିଳ୍ପ ନୀତି ଓ ପ୍ରୋତ୍ସାହନ ବିଭାଗ ସହଯୋଗରେ ସମ୍ମିଳନୀ ଆୟୋଜନ କରାଯିବ ।
ଏହି ସମ୍ମିଳନୀର ରୂପରେଖ କିଭଳି ହେବ ଓ କେଉଁ ସବୁ ବିଷୟବସ୍ତୁ ଉପରେ ସମ୍ମିଳନୀରେ ଆଲୋଚନା ହେବ ସେ ବିଷୟରେ ବିଚାରବିମର୍ଶ ପାଇଁ ଆଜି ରାଜ୍ୟ ସରକାରଙ୍କ ତରଫରୁ ଏକ ବୈଠକ ଅନୁଷ୍ଠିତ ହୋଇଥିଲା । ସଚିବାଳୟ ଠାରେ ମୁଖ୍ୟ ଶାସନ ସଚିବ ଆଦିତ୍ୟ ପ୍ରସାଦ ପାଢୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ଦିଆଇପିପିର ଯୁଗ୍ମ ସଚିବ ଅତୁଲ ଚତୁର୍ବେଦି ଯୋଗ ଦେଇ ମେକ ଇନ ଇଣ୍ଡିଆ ସମ୍ମିଳନୀ ଉପରେ ତଥ୍ୟ ଉପସ୍ଥାପନ କରିଥିଲେ । ଶିଳ୍ପ ସଚିବ ସଂଜୀବ ଚୋପ୍ରା ଯୋଗଦେଇ ଆଲୋଚନା ହେବାକୁ ଥିବା ବିଷୟବସ୍ତୁ ଉପରେ ଆଲୋକପାତ କରିଥିଲେ । ଭାରତୀୟ ଶିଳ୍ପ ମହାସଂଘ, ଫିକି ଏବଂ ଶିଳ୍ପ ପ୍ରତିଷ୍ଠାନ ଗୁଡିକର ପ୍ରତିନିଧିମାନେ ବୈଠକରେ ଯୋଗଦେଇଥିଲେ ।
ରାଜ୍ୟ ସରକାରଙ୍କ ପକ୍ଷରୁ ସମ୍ମିଳନୀ ପାଇଁ କେତୋଟି କ୍ଷେତ୍ର ଉପରେ ପ୍ରାଧାନ୍ୟ ହେବାକୁ ନିଷ୍ପତ୍ତି ନିଆଯାଇଥିଲା । ସେଗୁଡିକ ହେଲା ପ୍ଲାଷ୍ଟିକ ସମେତ ପେଟ୍ରୋଲିୟମ , କେମିକାଳସ ଏବଂ ପେଟ୍ରୋ କେମିକାଲଶ ଆଇଟି ଆଇତିଏସ ହାର୍ଡୱେୟାର ଏବଂ ଇଏସଡିଏମ , କୃଷି ଏବଂ ସାମୁଦ୍ରିକ ଖାଦ୍ୟ ପ୍ରକ୍ରିୟାକରଣ , ଧାତବ ଏବଂ ଆଲୁମୀନୟମ ଶିଳ୍ପରେ ଅନୁଷଙ୍ଗିକ ଶିଳ୍ପ ସ୍ଥାପନ ଓ ବୟନଶିଳ୍ପ । ଆଲୁମିନିୟମ , ଷ୍ଟେନଲେସ ଷ୍ଟିଲ , କାଜୁ ଉତ୍ପାଦନ ଓ ସାମୁଦ୍ରିକ ଯିବ ରପ୍ତାନି କ୍ଷେତ୍ରରେ ଓଡିଶାର ପ୍ରଦର୍ଶନ ଜାତୀୟ ଓ ଆନ୍ତର୍ଜାତିକ ସ୍ତରରେ ବହୁତ ଲାଭ ରହିଛି । ଏହି ଭଳି କ୍ଷେତ୍ରରେ ଓଡିଶାର ସାମର୍ଥକୁ ସମ୍ମିଳନୀରେ ଉପସ୍ଥାପିତ କରାଯିବ ବୋଲି ବୈଠକରେ ନିଷ୍ପତ୍ତି ହୋଇଛି । ଏସବୁ କ୍ଷେତ୍ରର ବୃହତ ନିବେଶମାନଙ୍କ ଏକ ତାଲିକା ପ୍ରସ୍ତୁତ କରି ସେମାନଙ୍କୁ ସମ୍ମିଳନୀକୁ ଆମନ୍ତ୍ରଣ କରିବାକୁ ମୁଖ୍ୟ ଶାସନ ସଚିବ ଶ୍ରୀ ପାଢୀ ବୈଠକରେ ପରାମର୍ଶ ଦେଇଥିଲେ । ଏହି ବୈଠକରେ ଇସ୍ପାତ ଓ ଖଣି ସଚିବ ରାଜ କୁମାର ଶର୍ମା , ସାଧାରଣ ପ୍ରଶାସନ ବିଭାଗ ସ୍ଵତନ୍ତ୍ର ସଚିବ ଅଶୋକ ମିନା, ଖାଦ୍ୟ ଏବଂ ପଶୁପାଳନ ବିଭାଗର ସଚିବ ଓଏମସି ଏମଡି ଆର ଭିନିଲ କ୍ରୀଷ୍ଣା , ଶିଳ୍ପ ବିଭାଗର ଯୁଗ୍ମ ସଚିବ ବସନ୍ତ କୁମାର ଦାସ ପ୍ରମୁଖ ଯୋଗ ଦେଇଥିଲେ ।
ଆଧାର – ସମ୍ବାଦ
Last Modified : 12/11/2019