କର୍ମକ୍ଷେତ୍ର ରେ କର୍ମଚାରୀଙ୍କ ପ୍ରଦର୍ଶନ

ଉପକ୍ରମ

କର୍ମଚାରୀଙ୍କ ପ୍ରଦର୍ଶନକୁ ଆପ୍ରାଇଜାଲ ସିଷ୍ଟିମ(ମୂଲ୍ୟବାନ ପଦ୍ଧତି) ମାଧ୍ୟମରେ ମପାଯାଇଥାଏ । ଆପ୍ରାଇଜାଲ ବ୍ୟବସ୍ଥା ଉଭୟ କମ୍ପାନୀ ଏବଂ କର୍ମଚାରୀଙ୍କ ପାଇଁ ଗୁରୁତ୍ବପୂର୍ଣ ରହିଥାଏ । ଦକ୍ଷ ଏବଂ ଉତ୍ତମ ପ୍ରଦର୍ଶନ କରୁଥିବା କର୍ମଚାରୀଙ୍କୁ ଏହା ମଧ୍ୟମରେ ପୁରସ୍କୃତ କରାଯାଇଥାଏ ।  ଆପ୍ରାଇଜାଲ ବେଳେ କର୍ମଚାରୀଙ୍କ ସାମାନ୍ୟ ଭୁଲ ଯୋଗୁ ତାଙ୍କର ଅବନତି ଘଟିଥାଏ । ସେହିଭଳି ଯଦି କର୍ମଚାରୀଙ୍କ ପ୍ରଦର୍ଶନକୁ ମାପିବାବେଳେ କୌଣସି ଭୁଲ ହୁଏ ତା’ ହେଲେ ଉକ୍ତ କମ୍ପାନୀ ଦକ୍ଷ କର୍ମଚାରୀଙ୍କୁ ହରାଏ । ଆପ୍ରାଇଜାଲ ବ୍ୟବସ୍ଥା ଏବଂ ଏ କ୍ଷେତ୍ରରେ କର୍ମଚାରୀମାନେ କିପରି ସଫଳତା ଲାଭ କରିବେ ତାହାକୁ ନେଇ ଏହି ବିଷୟବସ୍ତୁ ।

ଆପ୍ରାଇଜାଲ ବେଳେ

• ଆପ୍ରାଇଜାଲ ସମୟରେ କର୍ମଚାରୀମାନଙ୍କ ପ୍ରଦର୍ଶନ ଉପରେ ଗୁରୁତ୍ଵ ଦିଆଯାଇଥାଏ । ସେମାନଙ୍କ କାର୍ଯ୍ୟ ରେକର୍ଡକୁ ଦୃଷ୍ଟିରେ ରଖୀ କମ୍ପାନୀ ପରବର୍ତ୍ତୀ ନିଷ୍ପତ୍ତି ନେଇଥାଏ ।
• ସମୟାନୁବର୍ତ୍ତିତା ଏବଂ ଅନ୍ୟାନ୍ୟ ଆବଶ୍ୟକ ଗୁଣାବଳିକୁ ଏଠାରେ ଦେଖାଯାଇଥାଏ । ଆପଣ ଅଫିସରେ କେତେବେଳେ ପହଞ୍ଚୁଛନ୍ତି ଏବଂ କେତେ ପର୍ଯ୍ୟନ୍ତ କାର୍ଯ୍ୟ କରୁଛନ୍ତି ତାହାକୁ ହିସାବକୁ ନିଆଯାଏ । ଠିକ୍ ସମୟରେ ଅଫିସରେ ରିପୋର୍ଟିଂ କରୁଥିବା କର୍ମଚାରୀଙ୍କୁ ଏଠାରେ ପୁରସ୍କୃତ କରାଯାଏ । ନିର୍ଦ୍ଧାରିତ ସମୟରେ କାର୍ଯ୍ୟ ସମ୍ପାଦନ କରୁଥିବା ବ୍ୟକ୍ତିଙ୍କୁ ଅଗ୍ରାଧିକାର ମିଳେ ।
• ଗ୍ରାହକ ବା କ୍ଲାଏଣ୍ଟଙ୍କୁ ସମ୍ଭାଳିବାରେ ତଥା ସେମାନଙ୍କ ଅଭିଯୋଗ ବା ସମସ୍ୟାର ସମାଧାନ କ୍ଷେତ୍ରରେ ତତ୍ପରତା ଦେଖାଉଥିବା କର୍ମଚାରୀଙ୍କୁ ମ୍ୟାନେଜମେଣ୍ଟ ଆପ୍ରାଇଜାଲ ବେଳେ ଅଗ୍ରାଧିକାର ଦେଇଥାନ୍ତି । କୌଣସି ସଂସ୍ଥା ଏଭଳି କର୍ମଚାରୀଙ୍କୁ ହରାଇବାକୁ ପସନ୍ଦ କରିବେ ନାହିଁ । ଏହି ସମୟରେ କ୍ଲାଏଣ୍ଟ ଏବଂ ଗ୍ରାହକଙ୍କ ଫିଡବ୍ୟାକ୍ ଗ୍ରହଣ କରାଯାଇଥାଏ । କ୍ଵାଲିଟି ସେବା ପ୍ରଦାନ କରିଥିବା କର୍ମଚାରୀମାନଙ୍କୁ ଏହି ସମୟରେ ଭଲ ର୍ୟାଙ୍କ ମିଳିଥାଏ । ଏମାନଙ୍କୁ ପୁରସ୍କୃତ କରିବା ପାଇଁ କୌଣସି କମ୍ପାନୀ ପଛଘୁଞ୍ଚା ଦିଅନ୍ତି ନାହିଁ । କାରଣ ଦକ୍ଷ କର୍ମଚାରୀଙ୍କ ଦ୍ଵାରା ହିଁ କମ୍ପାନୀ ଆଗକୁ ବଢିଥାଏ । ଗ୍ରାହକ ସନ୍ତୁଷ୍ଟିକୁ ଏକ ସଂସ୍ଥାର ପ୍ରମୁଖ ମାର୍କେଟିଂ ତଥା ବ୍ରାଣ୍ଡିଂ ଟୁଲ୍ ଭାବେ ରଖାଯାଇଥାଏ ।  ତେଣୁ ନିଜକୁ ଏକ ଦକ୍ଷ କର୍ମଚାରୀ ଭାବେ ପ୍ରମାଣିତ କରିବା ପାଇଁ ଆପଣଙ୍କୁ କ୍ଲାଏଣ୍ଟମାନଙ୍କ ସହ ଭଲ ବ୍ୟବହାର ଦେଖାଇବାକୁ ପଡିବ । ସେମାନଙ୍କର ସମସ୍ୟାର ସମାଧାନ କ୍ଷେତ୍ରରେ ସତ ପ୍ରତିଶତ ଉଦ୍ୟମ ଲଗାଇବାକୁ ପଡିବ । ଏହା ହେଲେ ଆପଣ ଏକ ଭଲ ଫଳାଫଳ ନେଇ ଆଶା ରଖିପାରିବେ ।
• ଜଣେ ସଚ୍ଚୋଟ, ଭଦ୍ର ଏବଂ କର୍ତ୍ତବ୍ୟନିଷ୍ଟ କର୍ମଚାରୀଙ୍କୁ କେଉଁ କମ୍ପାନୀ ନ ଚାହେଁ । ସବୁ କମ୍ପାନୀରେ ଏକ ମ୍ୟାନେଜମେଣ୍ଟ ସିଷ୍ଟମ ଥାଏ, ଯାହାକି ପ୍ରତି କର୍ମଚାରୀଙ୍କ କାର୍ଯ୍ୟବିଧି ଏବଂ ହାବଭାବ ଉପରେ ନଜର ରଖିଥାଏ । ତେଣୁ ମ୍ୟାନେଜମେଣ୍ଟ ଆଗରେ ନିଜକୁ ଏକ ଆଦର୍ଶ କର୍ମଚାରୀଭାବେ ପ୍ରମାଣିତ କରନ୍ତୁ ।  ଆପ୍ରାଇଜାଲରେ ଏହା ଏକ ଗୁରୁତ୍ବପୂର୍ଣ ଅଂଶ ।
• କମ୍ପାନୀ ପକ୍ଷରୁ ନିୟମିତ ବ୍ୟବଧାନରେ କରାଯାଉଥିବା ନିୟମର ଅନୁପାଳନ କରନ୍ତୁ । କମ୍ପାନୀର ନୀତି ନିୟମ ଏବଂ ଗାଇଡଲାଇନକୁ ସାମ୍ନାନ ଜଣାଉଥିବା କର୍ମଚାରୀଙ୍କୁ କମ୍ପାନୀ ନିଶ୍ଚିତ ଭାବେ ପୁରସ୍କୃତ କରିଥାଏ ।

ଆଧାର : ପି କେ ପ୍ରମାଣିକ , ନିର୍ଦେଶକ , ଫାସ୍ଟ ଟ୍ରାକ କ୍ୟାରିୟର କନ୍ସଲଟାଣ୍ଟ