ଅଫିସ୍ରେ ସାଙ୍ଗ ହୋଇ କାମ କରୁଥୁଲେ, ମାତ୍ର ବର୍ଷ ଶେଷ ବେଳକୁ ପଦୋନ୍ନତି ପରେ ବସ୍ ହୋଇଯାଇଛନ୍ତି । ଏବେ ସହକର୍ମୀମାନଙ୍କ ସହ ମିଶିବାକୁ ଅସହଜ ମନେ କରୁଛନ୍ତି ? ତେବେ ସେମାନଙ୍କ ସହ ଏମିତି ବ୍ୟବହାର
ଅଚାନକ ପଦୋନ୍ନତି ମିଳିବା ପରେ ଖୁସି ଲାଗିବା ସ୍ଵାଭାବିକ । ତେବେ ବସ୍ ହୋଇଗଲେ ବୋଲି ସହକର୍ମୀଙ୍କ ଉପରେ ଦାଦା ଗିରି ଦେଖାଇ ହେବା ଉଚିତ ନୁହେଁ । କିନ୍ତୁ ପୂର୍ବ ଭଳି ମିଶିବା ବି ଠିକ୍ ହେବନି । ତେଣୁ କାମ କରିବା ସମୟରେ ବସ୍ ଭଳି ବ୍ୟବହାର କରନ୍ତୁ, କିନ୍ତୁ ଅନ୍ୟ ସମୟରେ ସହକର୍ମୀ ଭଳି । ଏପରି କରିବା ଦ୍ଵାରା ସହକର୍ମୀମାନେ ଆପଣଙ୍କର ନିକଟତ୍ତର ହୋଇ ରହିବେ ।
ସହକର୍ମୀଙ୍କ ସହ ଭଲ କଥାବାର୍ଭା କରିବା ସହ ଦୂରତା ବଜାୟ ରଖିବାକୁ ଚେଷ୍ଟା କରନ୍ତୁ । କାରଣ ଆପଣ ଓ ସହକର୍ମୀଙ୍କର ସମ୍ପର୍କ ଓ ସହଯୋଗ ଯୋଗୁଁ ହିଁ କମ୍ପାନୀ ଆଗକୁ ବଢିପାରିବ । ତେଣୁ ଅଫିସ୍ ଭିତରେ ବସ୍ର ଦାୟିତ୍ଵ ଓ ବାହାରେ ବନ୍ଧୁତାର ସମ୍ପର୍କକୁ ସୁଚାରୁ ରୂପେ ତୁଲାଇବାକୁ ଚେଷ୍ଟା କରନ୍ତୁ ।
ଯେତେବେଳେ ଯାଏ ସହକର୍ମୀ ଥିଲେ, ଆପଣଙ୍କ ପ୍ରତିକ୍ରିୟା ବେଶି ପ୍ରଭାବଶାଳୀ ନ ଥଲା । ମାତ୍ର ବସ୍ର ଚେୟାରରେ ବସିବା ପରେ ଆପଣଙ୍କର ପ୍ରତିଟି ମନ୍ତବ୍ୟ ଉପରେ ପୁରା ଅଫିସର ନଜର । ତେଣୁ କୌଣସି ମିଟିରେ ନିର୍ଦ୍ଦିଷ୍ଟ ଜଣକର ତାରିଫ କରିବା ଉଚିତ । ନୁହେଁ । ବସ୍ ହେବା ପରେ ନିଜର ଦାୟିତ୍ଵ କୁ ଯଥା ସମ୍ଭବ ନିୟନ୍ତ୍ରଣ କରିବା ଆବଶ୍ୟକ । ଆପଣ କୌଣସି ଜଣକୁ ଅଧିକ ଗୁରୁତ୍ଵ ଦେଉଛନ୍ତି ବୋଲି ଅଫିସ୍ରେ କେହି ଅନୁଭବ ନ କରିବା ଉଚିତ ।
ନିଜର ବ୍ୟକ୍ତିଗତ ଓ ବୃତ୍ତିଗତ ଦୁନିଆକୁ ଅଲଗା ରଖନ୍ତୁ । ଅଫିସରେ ଯଦି କେହି ସହକର୍ମୀ ଆପଣଙ୍କର ସମ୍ପର୍କୀୟ ହୋଇଥାନ୍ତି, ତେବେ ତା’କୁ ଭୂଲି ବସ୍ ଭାବେ ଦାୟିତ୍ଵ ତୁଲାନ୍ତୁ ।
ଅଫିସ୍ର ପୁରୁଣା ଷ୍ଟାଫ୍ ଯେଉଁମାନେ ଆପଣଙ୍କ ସହକର୍ମୀ ଥଲେ ସେମାନଙ୍କ ସହ ଟିକେ ଗମ୍ଭୀର ଭାବେ ବ୍ୟବହାର କରିବା ଜରୁରୀ । କାରଣ ଏବେ ସେମାନଙ୍କ ସହ ମିଶି ଅନ୍ୟ ବିଷୟରେ ଆଲୋଚନା କରିବାର ସମୟ ନାହିଁ । ତେଣୁ ସେମାନଙ୍କର ଏଭଳି କାମ ଉପରେ ପରଦା ପକାଇବା ପରିବର୍ଭେ ଏପରି ନ କରିବାକୁ ଡାକି ବୁଝାନ୍ତୁ ।
ସଂଗୃହିତ : ପି.କ୍ ପ୍ରମାନିକ, ଫାଷ୍ଟ ଟ୍ରାକ୍ କେରିୟାର କନସଲଟାଣ୍ଟLast Modified : 2/12/2020