অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

ବିଦେଶରେ ଉଚ୍ଚ ବେତନ ନିଯୁକ୍ତି ପାଇଁ ପାଠ୍ୟକ୍ରମ

ବିଦେଶରେ ଉଚ୍ଚ ବେତନ ନିଯୁକ୍ତି ପାଇଁ ପାଠ୍ୟକ୍ରମ

ଉପକ୍ରମ

କ୍ୟାରିୟରକୁ   ନେଇ  ଅନେକ  ଛାତ୍ରୀଛାତ୍ରଙ୍କ  ମଧ୍ୟରେ  ସବୁବେଳେ  ଦ୍ଵିଧା  ଲାଗି  ରହିଥାଏ   । କେଉଁ  ଭଳି  କୋର୍ସ  କରିଲେ  ଭବିଷ୍ୟତରେ  କର୍ମ  ନିଯୁକ୍ତି  ଲାଗି  ଅସୁବିଧା  ରହିବ  ନାହିଁ  ଏଥିପାଇଁ  ଅନେକ  ଚିନ୍ତା  ମଧ୍ୟ  କରିଥାନ୍ତି   । ସେହିଭଳି  ମିଳିଥିବା  ଚାକିରିରେ  ଜେଭଳି  ଉନ୍ନତ  ବେତନ  ପ୍ୟାକେଜ  ରହିବ  ସେ  ବିଷୟକୁ  ମଧ୍ୟ  ଧ୍ୟାନରେ  ରଖା  ଯାଇଥାଏ  । ବିଦେଶରେ  ଚାକିରି  ପାଇଁ  ଅନେକଙ୍କ  ସ୍ଵପ୍ନ  ରହିଥାଏ  । ମାତ୍ର  ବେତନ  ପ୍ୟାକେଜ  ଏକ  ପ୍ରମୁଖ  ବିଷୟ  ରହିଥାଏ   । ଜାତୀୟ  କଲେଜ  ଏବଂ  ନିଯୁକ୍ତିଦାତା  ପରିଷଦ  ସହ  ଆମେରିକାର  ଶ୍ରମ  ପରିସଂଖ୍ୟାନ  ବ୍ୟୁରୋ  ମିଳିତ  ହୋଇ  ବିଦେଶରେ  କେଉଁ  ଚାକିରିରେ  କେତେ  ପରିମାଣର  ବେତନ  ମିଳିଥାଏ  ସେ  ସମ୍ପର୍କରେ  ଏକ  ତଥ୍ୟ  ପ୍ରଦାନ  କରିଛି   । ଜାନୁୟାରୀରେ  ଏହି  ତଥ୍ୟ  ପ୍ରକାଶ  ପାଇଛି  ରିପୋର୍ଟ  ମୁତାବକ  ବିଦେଶରେ  ଉଚ୍ଚ  ବେତନରେ  ଚାକିରି  ପାଇଁ   କେଉଁ  ପାଠ୍ୟକ୍ରମ  ଚାହିଦା  ରହିଛି   ତାହା  ଏଠାରେ  ପ୍ରକାଶ  କରାଯାଇଛି    ।

ନିଯୁକ୍ତି  ପାଇଁ  ପାଠ୍ୟକ୍ରମ

  • ମେକାନିକାଲ   ଇଞ୍ଜିନିୟରିଂ  କୋର୍ସ   କରିଥିବା  ଛାତ୍ରୀଛାତ୍ରଙ୍କ  ପାଇଁ  କର୍ମନିଯୁକ୍ତିର  ସୁଯୋଗ  ଅଧିକ  ରହିଛି   । ବିଭିନ୍ନ  ଉଦ୍ୟୋଗ  ପାଇଁ  ମେଶିନ  ଏବଂ  ଏହାର  ଯନ୍ତ୍ରାଂଶ  ଉନ୍ନତିକରଣ  ତଥା  ପରୀକ୍ଷଣ  କାର୍ଯ୍ୟ  ପାଇଁ  କମ୍ପାନୀଗୁଡିକ  ନିଯୁକ୍ତି  କରିଥାନ୍ତି   । ସେହିଭଳି  ମାନୁଫାକଚରିଂ  କାର୍ଯ୍ୟ  ତଦାରଖରେ  ମଧ୍ୟ  ଏହି  କୋର୍ସ  କରିଥିବା  ବ୍ୟକ୍ତିକୁ   ଆଗ୍ରାଧିକାର   ଦିଆଯାଏ   । ଏହି  କୋର୍ସ   କରିଥିବା  ଛାତ୍ରୀଛାତ୍ରଙ୍କ  ପାଇଁ  ମାନୁଫାକଚରିଂ  ସେବା  ଯଥା   ମେଶିନାରୀ  ମାନୁଫାକଚରିଂ ଇଲେକଟ୍ରୋନିକ୍ସ  ଉତ୍ପାଦ  ମାନୁଫାକଚରିଂ  ଭଳି  ବିଭିନ୍ନ  ଉଦ୍ୟୋଗରେ  କର୍ମ  ନିଯୁକ୍ତି  ମିଳିବାର  ସମ୍ଭାବନା   ଅଧିକ  ରହିଛି  । ଆମେରିକା , ଇଂଲଣ୍ଡ , ଅଷ୍ଟ୍ରେଲିଆ , କାନାଡା  ଭଳି   ଦେଶରେ  ନିଯୁକ୍ତି  ସୁଯୋଗ  ଅଧିକ   ରହିଛି   । ସେହିଭଳି  ଏହି  କ୍ଷେତ୍ରରେ  ବାର୍ଷିକ  ବେତନ  ୫୫ ଲକ୍ଷ  ଟଙ୍କା  ରହିଛି   ।
  • ସିଭିଲ  ଇଞ୍ଜିନିୟରିଂ   କୋର୍ସ  କରିଥିଲେ  ମଧ୍ୟ  ବିଦେଶରେ  ଉନ୍ନତ  ବେତନରେ  ନିଯୁକ୍ତି  ମିଳିବ  । ସଡକ , ଗୃହ , ବିମାନ  ବନ୍ଦର  ନିର୍ମାଣ  ପାଇଁ  ଡିଜାଇନ , ନିର୍ମାଣ  ଦେଖାରଖାରେ  ସିଭିଲ  ଇଞ୍ଜିନିୟରିଂମାନଙ୍କ   ଭୂମିକା  ଗୁରୁତ୍ଵପୂର୍ଣ୍ଣ   ରହିଥାଏ   । ବିଦେଶରେ  ବିଭିନ୍ନ  ମାନୁଫାକଚରିଂ  ସେବା  ସହିତ  ଅନ୍ୟାନ୍ୟ  ସ୍ଥାନଗୁଡିକରେ  ମଧ୍ୟ  ନିଯୁକ୍ତି  ମିଳିପାରିବ   । ଅଷ୍ଟ୍ରେଲିଆ , ଆମେରିକା  ଏବଂ  ସଂଯୁକ୍ତ  ଆରବ  ଭଳି  ସ୍ଥାନ ଗୁଡିକରେ  ନିଯୁକ୍ତିର  ଅନେକ  ସମ୍ଭାବନା  ରହିଛି   । ଏହି  କ୍ଷେତ୍ରରେ  ୫୪ ଲକ୍ଷ  ଟଙ୍କା  ପର୍ଯ୍ୟନ୍ତ  ବେତନ   ମିଳି  ପାରିବ   ।
  • ବିଦେଶରେ  ବୀମା  ଉଦ୍ୟୋଗରେ  ମଧ୍ୟ  ନିଯୁକ୍ତି  ମିଳି  ପାରିବ   । ଏଣୁ  ଏହିଭଳି  କିଛି  କୋର୍ସ  କରିଥିଲେ  ଫାଇଦା  ମିଳିପାରିବ   । ବୀମା  ଏବଂ  ବିତ୍ତ  କ୍ଷେତ୍ରରେ  ବିଭିନ୍ନ  ମଡେଲର  ପରିଚାଳନା   ତଥା  ବିଭିନ୍ନ  ସପ୍ଟେୱେର  ଜ୍ଞାନ’କୌଶଳର  ପରିଚାଳନା  କରିବାକୁ  ଏହିଭଳି  କୋର୍ସ  କରିଥିବା  ବ୍ୟକ୍ତିଙ୍କ  ଆବଶ୍ୟକତା  ପଡିଥାଏ   । ଅଷ୍ଟ୍ରେଲିଆ , ଆମେରିକା , ଇଂଲଣ୍ଡ , ନ୍ୟୁଜଲ୍ୟାଣ୍ଡ  ଭଳି  ଦେଶରେ  ଏହି  କ୍ଷେତ୍ରରେ  କର୍ମନିଯୁକ୍ତି  ହାର  ଅଧିକ  ରହିଛି  । ଏହି  କ୍ଷେତ୍ରରେ  ବାର୍ଷିକ  ୬୪ ଲକ୍ଷ  ଟଙ୍କା   ପର୍ଯ୍ୟନ୍ତ  ବେତନ  ମିଳିପାରିବ   ।
  • ବାୟୋମେଡିକାଲ  ଇଞ୍ଜିନିୟରିଂ  କୋର୍ସ   କରିଥିଲେ  ବିଦେଶରେ  ମେଡିକାଲ , ହେଲଥକେୟାର କ୍ଷେତ୍ରରେ  ଡିଭାଇସ   ପ୍ରସ୍ତୁତି , ଡିଜାଇନ  ଏବଂ  ରିସର୍ଚ୍ଚ  କ୍ଷେତ୍ରରେ  କାର୍ଯ୍ୟ  କରିବାର  ସୁଯୋଗ  ରହିଛି   । ମେଡିକାଲ   ଉପକରଣ   ନିର୍ମାତା  କମ୍ପାନୀ , ଯୋଗାଣ , ନାଭିଗେସନାଲ , ଇଲେକ୍ଟ୍ରୋମେଡିକାଲ , କଣ୍ଟ୍ରୋଲ  ଇନଷ୍ଟୁମେଣ୍ଟ  ମାନୁଫାକଚରିଂ  ଭଳି  କ୍ଷେତ୍ରରେ  କର୍ମ  ନିଯୁକ୍ତି  ସୁଯୋଗ  ରହିଛି   । ନ୍ୟୁଜଲ୍ୟାଣ୍ଡ , ଅଷ୍ଟ୍ରେଲିଆ , ଆୟର୍ଲାଣ୍ଡ , ଇଂଲଣ୍ଡ ଏବଂ କାନାଡା  ଭଳି  ଦେଶରେ  ଏହି  କ୍ଷେତ୍ରରେ  କର୍ମନିଯୁକ୍ତି  ସୁଯୋଗ  ମିଳିପାରିବ   । ଏଥିପାଇଁ  ବାର୍ଷିକ  ୫୭  ଲକ୍ଷ   ଟଙ୍କା  ପର୍ଯ୍ୟନ୍ତ  ବେତନ  ମିଳି ପାରିବ   ।
  • ଫାରମା  ସାଇନ୍ସ   ସୁଯୋଗ  କୋର୍ସ   ବିଦେଶରେ   କର୍ମ ନିଯୁକ୍ତି  ସୁଯୋଗ  ଦେଇ  ପାରିବ   । ଔଷଧ  ପ୍ରସ୍ତୁତି  ସହିତ  ଏହାର  ପରୀକ୍ଷଣ , ମାନୁଫାକଚରିଂ  ଏବଂ  ସଚେତନତା  ପାଇଁ  ଫାରମା  ସାଇନ୍ସ  କୋର୍ସ  କରିଥିବା  ଛାତ୍ରୀଛାତ୍ରଙ୍କ  ଅଗ୍ରାଧିକାର  ଦିଆଯାଇଥାଏ   । ଏହି  କ୍ଷେତ୍ରରେ  ବାର୍ଷିକ  ୫୨ – ୬୬  ଲକ୍ଷ  ପର୍ଯ୍ୟନ୍ତ   ବେତନ   ମିଳିବ  । ଆୟର୍ଲାଣ୍ଡ , ନ୍ୟୁଜଲ୍ୟାଣ୍ଡ , ଆମେରିକା , ସିଙ୍ଗାପୁର   ଭଳି  ଦେଶଗୁଡିକରେ  ଏହି  କ୍ଷେତ୍ରରେ  ନିଯୁକ୍ତି   ହାର ଉନ୍ନତ   ରହିଛି  ।
  • ଫାଇନାନ୍ସ  ଭଳି   କ୍ଷେତ୍ର  ପାଇଁ   ବିଦେଶରେ  କାର୍ଯ୍ୟ  କରିବାର  ସୁଯୋଗ  ରହିଛି   । ଫାଇନାନ୍ସ  ବିଶେଷଜ୍ଞ  ଏବଂ  ଗ୍ରାହକ  ସେବା  କ୍ଷେତ୍ରରେ   କାର୍ଯ୍ୟ  କରିବାର  ସୁବିଧା  ମିଳିବ  । ଆୟର୍ଲାଣ୍ଡ , ଆମେରିକା , ହଙ୍ଗେରୀ , ନ୍ୟୁଜଲ୍ୟାଣ୍ଡ ଏବଂ  ଅଷ୍ଟ୍ରେଲିଆରେ  ଏହି  ଭଳି  କ୍ଷେତ୍ର  ପାଇଁ  ବାର୍ଷିକ  ୮୫ ଲକ୍ଷ  ଟଙ୍କା  ପର୍ଯ୍ୟନ୍ତ  ବେତନ  ମିଳୁଛି   ।
  • ସାଇବର  ନିରାପତ୍ତା  ଏବଂ  କମ୍ପ୍ୟୁଟର  ସାଇନ୍ସ  କୋର୍ସ  କରିଥିଲେ   ବିଦେଶରେ   ଏକ  ଭଲ  ଚାକିରି   ମିଳିପାରିବ   । କମ୍ପ୍ୟୁଟର  ସିଷ୍ଟମ , ନେଟୱର୍କ  ସୁରକ୍ଷା , ସାଇବର  ନିରାପତ୍ତା  ପାଇଁ   କାର୍ଯ୍ୟ   କରିବାକୁ   ସୁଯୋଗ   ମିଳିବ  । ଆମେରିକା , ଇଂଲଣ୍ଡ , ଆୟର୍ଲାଣ୍ଡ ଏବଂ  ଜର୍ମାନୀ  ଭଳି   ଦେଶ   ଗୁଡିକରେ  ଏହି   ପ୍ରଫେଶନାଲଙ୍କୁ  ୬୦  ଲକ୍ଷ  ଟଙ୍କା  ପର୍ଯ୍ୟନ୍ତ  ବେତନ  ମିଳୁଛି   ।
ଆମେରିକା , କାନାଡା , ରୋମ , ବ୍ରାଜିଲ , ଅଷ୍ଟ୍ରେଲିଆ  ଭଳି  ଦେଶଗୁଡିକରେ   ପରିବେଶ  ଇଞ୍ଜିନିୟରିଂ  କ୍ଷେତ୍ରରେ   ବାର୍ଷିକ  ୫୬ ଲକ୍ଷ  ଟଙ୍କା   ପର୍ଯ୍ୟନ୍ତ   ବେତନରେ  ନିଯୁକ୍ତି   ମିଳୁଛି   ।

ସଂଗୃହିତ : ପି . କେ . ପ୍ରାମାଣିକ

Last Modified : 10/29/2019



© C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate