ସରକାରୀ ହେଉ ଅବା ବେଶସକାରୀ କାର୍ଯ୍ୟକ୍ଷେତ୍ର । ସବୁଠି ଦେଖିବାକୁ ମିଳେ ପଲିଟିକ୍ସ । କେହି କେହି କର୍ମଚାରୀ ଏହାର ଶିକାର ହୋଇ କର୍ମକ୍ଷେତ୍ର ହିଁ ଛାଡି ଦେଇଥାନ୍ତି , ଯାହା ଆଦୌ ଠିକ ନୁହେଁ । ହୁଏତ ଆପଣଙ୍କ ନୂଆ ଅଫିସରେ ବି ଏମିତି ହୋଇପାରେ । ତେଣୁ ଅଫିସ ଛାଡିବା ପରିବର୍ତ୍ତେ କେମିତି ଏହାକୁ ସାମ୍ନା କରିବେ ଜାଣନ୍ତୁ ।
ବେଳେବେଳେ ଅଫିସରୁ ଚିନ୍ତାଗ୍ରସ୍ତ ଭାବେ ଘରକୁ ଫେରିବାକୁ ପଡିଥାଏ । କାରଣ କାମର ଚାପ ନୁହେଁ , ବରଂ ଅଫିସ ପଲିଟିକ୍ସର କୁ ପ୍ରଭାବ । କିଛି ଜଣ କୁଚକ୍ରୀ କର୍ମଚାରୀ ନିଜର ସ୍ଥିତିକୁ ସୁଦୃଢ କରିବା ପାଇଁ ଅନ୍ୟ ବିରୋଧରେ ଷଡ ଯନ୍ତ୍ର କରିଥାନ୍ତି ,। ଆଉ ଆରମ୍ଭ ହୋଇଯାଏ ଅଫିସ ପଲିଟିକ୍ସ ଏମିତି ପରିସ୍ଥିତିରେ ବିନା ଝଗଡାରେ ଶାକ୍ତ ଭାବେ କେମିତି କରିବେ ସାମ୍ନା ।
କେବେକେବେ ଆମ ଅଫିସରେ କୌଣସି ନିର୍ଦ୍ଧିଷ୍ଟ ବ୍ୟକ୍ତିର ପକ୍ଷ ନେଇଥାଉ , ଯାହା ଫଳରେ ଆମେ ଅଜଣତାରେ ନିଜ ପାଇଁ ସମସ୍ୟା ସୃଷ୍ଟି କରୁ । ଯଦି ଆପଣ କେବେ ଏମିତି ପରିସ୍ଥିତିର ସାମ୍ନା କରନ୍ତି , ତେବେ ପ୍ରଥମେ ନିଜର ଲକ୍ଷ୍ୟ ବିଷୟରେ ଭାବନ୍ତୁ । ଅଫିସରେ ଆଲୋଚନା ବେଳେ ନିଜର ଖୋଲା ମତ ରଖିବାକୁ ଚେଷ୍ଟା କରନ୍ତୁ । କିନ୍ତୁ କାହାର ପକ୍ଷ ନିଅନ୍ତୁ ନାହିଁ ।
ଅଫିସରେ କାର୍ଯ୍ୟ କରୁଥିବା ସହକର୍ମୀଙ୍କ ଛୋଟ ଛୋଟ କଥାକୁ ବ୍ୟକ୍ତିଗତ ଭାବେ ନିଅନ୍ତୁ ନାହିଁ କିମ୍ବା ସେମାନଙ୍କ କଥାକୁ ନେଇ ଝଗଡା କରନ୍ତୁ ନାହିଁ । କାରଣ ଏହା ଭବିଷ୍ୟତରେ ଆପଣଙ୍କ ଚାକିରି ଜୀବନ ଉପରେ ନକରାତ୍ମକ ପ୍ରଭାବ ପକାଇପାରେ । ହୁଏତ ଏହି ଝଗଡା ବସଙ୍କ ଆଗରେ ଆପଣଙ୍କ ପ୍ରତିଛବିକୁ ନକରାତ୍ମକ କରିଦେଇପାରେ । ଏହାକୁ ଦ୍ରୁଷ୍ଟିରେ ରଖି କମ୍ପାନୀରେ ନିଜର ବ୍ୟକ୍ତିଗତ ପ୍ରତିଦ୍ବନ୍ଦୀ ତିଆରି କରନ୍ତୁ ନାହିଁ ।
କମ୍ପାନୀର କର୍ମଚାରୀ ହିସାବରେ ନିଜର ବସଙ୍କୁ କିଛି ବି ମେଲ କରିବା ପୂର୍ବରୁ ଦୁଇଥର ନିଶ୍ଚୟ ଭାବନ୍ତୁ । ବିଶେଷକରି କ୍ରୋଧାନ୍ୱିତ ଅବସ୍ଥାରେ 4 ଥର ଭାବିବା ଆବଶ୍ୟକ । କାରଣ ଏହି ସମୟରେ ଆମକୁ ଲାଗେ ଯେ ଆମେ ଯାହା କଉଛୁ ଠିକ କରୁଛୁ । ମାତ୍ର ତାହା ବାସ୍ତବରେ ଠିକନଥାଏ । ରାଗରେ ଥିବା ବେଳେ ଯଦି ଆପଣ କିଛି ଭୁଲ ମେଲ କରିଥାନ୍ତି , ତେବେ ହୁଏତ ଏହାର ପ୍ରତ୍ୟୁତ୍ତର ଠିକ ଏଭଳି ହିଁ ଆସିପାରେ ଯାହା ଆପଣଙ୍କୁ ସମସ୍ତ ସହକର୍ମୀଙ୍କ ସାମ୍ନାରେ ଲଜ୍ଜିତ କରିପାରେ । ଆଉ ଯଦି ସୋସିଆଲ ମିଡିଆରେ ନିଜ ଅଫିସ ସମ୍ପର୍କରେ କୌଣସି ନକରାତ୍ମକ ମନ୍ତବ୍ୟ ଦେଉଥାନ୍ତି , ତେବେ କିଛି ଲେଖିବା ପୂର୍ବରୁ ଭଲ ଭାବରେ ଚିନ୍ତା କରି ଲେଖନ୍ତୁ । କାରଣ ଏହା ହୁଏତ ଆପଣଙ୍କ ଚାକିରି ଜୀବନକୁ କେବଳ ନିଜ ଅଫିସରୁ ବରଂ ନିଜ କ୍ଷେତ୍ରଠାରୁ ସଂପୂର୍ଣ୍ଣ ଦୂର କରିଦେଇପରେ ।
ଯଦି କେବେ ଅଫିସ ପଲିଟିକ୍ସରେ ଫସନ୍ତି , ତେବେ ପ୍ରଥମେ ପ୍ରକୃତ ଅପରାଧିକୁ ଖୋଜି ବାହାର କରନ୍ତୁ । ପରେ ସେହି ବ୍ୟକ୍ତିଠାରୁ ଯଥା ସମ୍ଭବ ଦୂରେଇ ରହନ୍ତୁ । ଅପରାଧୀ ସହ ପରେ ଝଗଡା କରନ୍ତୁ ନାହିଁ , ବରଂ ଶାନ୍ତ ରୁହନ୍ତୁ । ତା ଆଗରେ ନିଜର କୌଣସି ଗୁମର ପ୍ରକାଶ କରନ୍ତୁ ନାହିଁ ।
ସଂଗୃହିତ– ପିକ ପ୍ରାମାଣିକ , କ୍ୟାରିୟର କନସୋଲଟାଣ୍ଟLast Modified : 3/4/2020