ଆମ ରାଜ୍ୟରେ ୨୦୧୨ରେ ଖୋର୍ଦ୍ଧା ଜିଲ୍ଲାର କେରଙ୍ଗ ସମେତ ଆଉ କେତୋଟି ସ୍ଥାନର କୁକୁଡାଙ୍କଠାରେ ଅଭିଯାନ ଇନ୍ଫ୍ଲୁଏନଞ୍ଜା (ବାର୍ଡ ଫ୍ଲୁ) ରୋଗର ଭୂତାଣୁ ମଧ୍ୟପ୍ରଦେଶ ସ୍ଥିତ ଭୋପାଳର ଉଚ୍ଚ ନିରାପତ୍ତା ପ୍ରାଣୀରୋଗ ଗବେଷଣା ପ୍ରତିଷ୍ଠାନ ଦ୍ଵାରା ପ୍ରଥମଥର ପାଇଁ ଚିହ୍ନଟ ହୋଇଥିଲା । ରାଜ୍ୟ ସରକାର ତଥା ପ୍ରାଣୀ ସମ୍ପଦ ବିକାଶ ତରଫରୁ ରାଜ୍ୟରେ ଏହି ରୋଗ ନ ବ୍ୟାପିବା ପାଇଁ ବ୍ୟାପକ ପଦକ୍ଷେପ ଗ୍ରହଣ ଯୋଗୁ ଏହି ରୋଗକୁ ସେତେବେଳେ ନିୟନ୍ତ୍ରଣ ଓ ସୀମିତ ରଖବାରେ ସମର୍ଥ ହୋଇଥିଲେ । ଅବଶ୍ୟ ନିକଟରେ ପୁଣି ଖୋର୍ଦ୍ଧାଜିଲ୍ଲାର କେରଙ୍ଗରୁ ପ୍ରାଣୀ ରୋଗ ଗବେଷଣା ପ୍ରତିଷ୍ଠାନ ଦ୍ଵାରା ପ୍ରେରିତ ୪ ଗୋଟି କାଉ ଓ ୩ଗୋଟି କୁକୁଡାଙ୍କଠାରୁ ଉକ୍ତ ପରୀକ୍ଷାଗାରରୁ ଅଭିଯାନ ଇନ୍ଫ୍ଲୁଏନଞ୍ଜା ରୋଗର ଭୂତାଣୁ ଚିହ୍ନଟ ହୋଇଥିଲା । ତେଣୁ ତୁରନ୍ତ ଏହି ରୋଗର ପ୍ରାଦୁର୍ଭାବକୁ ନିୟନ୍ତ୍ରଣ ଓ ସୀମିତ ରଖିବା ପାଇଁ କେନ୍ଦ୍ର ସରକାରଙ୍କ ନିୟମାବଳୀକୁ ଅନୁସରଣ କରି ଉକ୍ତ ରୋଗର ଭୂତାଣୁ ଚିହ୍ନଟ କେନ୍ଦ୍ରଠାରୁ ୧କି.ମି ମଧ୍ୟରେ ଥିବା ୧୨ଶହ ଗୃହପାଳିତ କୁକ୍କୁଟ ପକ୍ଷୀକୁ ନଷ୍ଟକରି ଜିଲ୍ଲା ପ୍ରଶାସନର। ସହାୟତାରେ ଗଭୀର ଗର୍ତ୍ତ କରି (ଅନ୍ୟୁନ । ୬ଫ୍ଲୁଟ) ପୋତି ଦିଆଯାଇଥିଲା ଏବଂ ୧ରୁ ୧୦କି. ମି. ମଧ୍ୟରେ ଅନ୍ୟାନ୍ୟ ଅଞ୍ଚଳରେ ଥିବା କୁକ୍କୁଟ ପକ୍ଷୀଙ୍କଠାରୁ ରକ୍ତ, ଟ୍ରାକିଆଲ୍ ଓ କୋ ଆକାଲ ସ୍ଵାବ ସଂଗ୍ରହ କରାଯାଇ ରୋଗ ସର୍ବେକ୍ଷଣ କାର୍ଯ୍ୟକୁ ତ୍ୱରାନ୍ତିତ କରାଯାଇଛି ।
ବର୍ତ୍ତମାନ ସୁନ୍ଦରଗଡ ଜିଲ୍ଲାର ରାଉରକେଲା ସ୍ଥିତ। ଇନ୍ଦିରା ଗାନ୍ଧୀ ପାର୍କସ୍ଥିତ ଏକ ଚିଡିଆଖାନା ଏବଂ ସି.ଆଇ.ଏସ.ଏଫ୍. ପରିସରରେ ଗୋଟିଏ ମୃତ ବନ୍ୟ ବତକ ଓ କାଉ ଠାରେ ଉକ୍ତ ପରୀକ୍ଷାଗାର ଦ୍ଵାରା ଗତ ଡିସେମ୍ବର ୩୧ ତାରିଖ ଦିନ ବାର୍ଡ ଫ୍ଲୁ ଭୂତାଣୁ ଚିହ୍ନଟ ହୋଇଥିଲା । ଏହାପରେ ସରକାର ତଥା ଜିଲ୍ଲା। ପ୍ରଶାସନ ଏବଂ ପ୍ରାଣୀ ସମ୍ପଦ ବିକାଶ ବିଭାଗ ତରଫରୁ ଉକ୍ତ ଅଞ୍ଚଳରେ ବ୍ୟାପକ ସର୍ଭେ ସହିତ ପାର୍କ ପରିସର ବା ରୋଗ ଭୂତାଣୁ ଉତ୍ପତ୍ତି ସ୍ଥଳକୁ କେନ୍ଦ୍ରକରି ୧କି.ମି. ମଧ୍ୟରେ ଗୃହପାଳିତ ପକ୍ଷୀଙ୍କଠାରେ ରକ୍ତ ଓ ସ୍ଵାବ ନମୁନା ସଂଗ୍ରହ କରାଯାଇ ପରୀକ୍ଷା ନିମନ୍ତେ ପରୀକ୍ଷାଗାରକୁ ପଠାଯାଇଛି । ସହିତ ଏହାର ୧୦କି.ମି ବ୍ୟାସାର୍ଦ୍ଧ ମଧ୍ୟରେ ଉକ୍ତ ସର୍ବେକ୍ଷଣ କାର୍ଯ୍ୟକ୍ରମକୁ ତୁରାନ୍ତିତ କରାଯାଉଛି । ଓ.ଆଇ.ଇ.ର ନିୟମ ଅନୁଯାୟୀ ବନ୍ୟପକ୍ଷୀ ଓ ଚିଡିଆଖାନାରେ ପକ୍ଷୀଙ୍କଠାରେ ବାର୍ଡ ଫ୍ଲୁ ଭୂତାଣୁ ଚିହ୍ନଟ ହେଲେ ମଧ୍ୟ ଉକ୍ତ ଚତୁଃପାର୍ଶ୍ଵ ଅଞ୍ଚଳରେ ପକ୍ଷୀ ମାରିବାର ଅନୁମୋଦନ ନାହିଁ । ଯଦି କେଉଁଠାରେ କାଉ ମୃତଭାବେ ପଡିଥିବାର ଦେଖାଯାଏ ତେବେ ଏମାନଙ୍କୁ ତୁରନ୍ତ ପୋତିଦେବା କିମ୍ବା ପୋତିଦେବା ଆବଶ୍ୟକ । ତେଣୁ ବାର୍ଡ ଫ୍ଲୁକୁ ଆମ ରାଜ୍ୟରେ ନିୟନ୍ତ୍ରଣ ଓ ସୀମିତ ରଖିବା ପାଇଁ ସରକାର ସମସ୍ତ ପ୍ରତିଷେଧକ ବ୍ୟବସ୍ଥା ଗ୍ରହଣ କରୁଛନ୍ତି ।
ଅଭିଯାନ ଇନ୍ଫ୍ଲୁଏଞ୍ଜା ରୋଗ ବା ବାର୍ଡ ଫ୍ଲ କୁକୁଡାଙ୍କର ଏକ ମାରାତ୍ମକ ଭୂତାଣୁ ଜନିତ ରୋଗ ଏବଂ ଏହା ମନୁଷ୍ୟଙ୍କୁ ବି ବ୍ୟାପିଥାଏ । ଏହି ରୋଗରେ କୁକୁଡାଙ୍କ ମୁହଁ ଫ୍ଲୁଲିଯାଏ । ଚୂଳ ମଧ୍ୟ ଫ୍ଲୁଲି କଳା ପଡିଯାଏ । ଚୁନପରି ପତଳା ଝାଡା ହୁଏ । ଏକ ସମୟରେ ବହୁତ କୁକୁଡା ମୃତ୍ୟୁବରଣ କରନ୍ତି । କୁକୁଡା କିଛି ଖାଇ ନ ଥାନ୍ତି । କୁକୁଡାଙ୍କର ଅଣ୍ଡାଦେବା କମିଯାଏ ବା କୁକୁଡା ଖୋଳପା ବିହୀନ ଅଣ୍ଡା ଦିଅନ୍ତି ।
କୁକ୍କୁଟ ଓ କୁକ୍କୁଟ ଜାତୀୟ ପକ୍ଷୀ ରହୁଥିବା ଘର ଏବଂ ଚାରିପଟ ପରିଷ୍କାର ପରିଚ୍ଛନ୍ନ ରଖନ୍ତୁ ।
ସଂଗୃହିତ - ଡା. ବୀର କିଶୋର ପରିଡା, ଉପ ନିର୍ଦ୍ଦେଶକ, ପ୍ରାଣୀରୋଗ ଗବେଷଣା ପ୍ରତିଷ୍ଠାନ
Last Modified : 12/10/2019