অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

ଅବଧୂତ ବାବଙ୍କ ଭାଗବତ ଟୁଙ୍ଗୀ

ଅବଧୂତ ବାବଙ୍କ ଭାଗବତ ଟୁଙ୍ଗୀ

ଭାଗବତ ଟୁଙ୍ଗୀ

ଧର୍ମରାଜ ଯୁଧିଷ୍ଠିର ଶ୍ରୀକୃଷ୍ଣଙ୍କ ପରାମର୍ଶରେ ପୃଥ୍ଵୀ ପୃଷ୍ଠର ପ୍ରଜାଗଣଙ୍କୁ ପୁତ୍ରପରି ଲାଳନ ପାଳନ କଲେ । ଧନସମ୍ପଦ ଭାର୍ଯ୍ୟା,ଭ୍ରାତା ଓ ପ୍ରିୟଜନଙ୍କୁ ଭୁଲି ଏକ ଧ୍ୟାନରେ ପ୍ରଜାଙ୍କୁ ସୁଖ ବାଣ୍ଟିବାରେ ବ୍ରତୀ ହେଲେ । ଯେପରି ଭୋକିଲା ମନୁଷ୍ୟ ଅନ୍ନ ଚିନ୍ତାରେ ଅନ୍ୟ ସବୁ କିଛି ଭୁଲି ଯାଏ, ସେହିପରି ଧର୍ମରାଜ ଧର୍ମ ଚିନ୍ତାରେ ଅନ୍ୟ ସବୁ ଭୁଲିଗଲେ ।

ଗୋବିନ୍ଦଙ୍କୁ ହୃଦୟରେ ବସାଇ ପ୍ରଜା ଶାସନ କଲେ । ବିଷୟାରସ, ଅମାପ ଅଲୋଡା ସମ୍ପଦର ତ୍ୟାଗ କରି ଧର୍ମପଥରେ ରାଜପଣ ସଂପାଦନ କଲେ ।

ଏମନ୍ତେ ସୂତ ମୁଖୁଁ ଶୁଣି ।

ଶୌନିକ ବୋଲେ ମନେ ଗୁଣି ॥

ଶୌନକ ଉବାଚ

ଜୋପେ ଯେ ଦ୍ରୋଣଙ୍କ କୁମରା

ମନ୍ତ୍ରି ପେଷିଲା ବ୍ରହ୍ମଶର ॥

ତାର ପ୍ରଚଣ୍ଡ ତେଜ ବଳେ ।

ଭୟେ କମ୍ପିଲେ ଦିଗପାଳେ ॥

ଉତ୍ତରା ଗର୍ଭେ ସେ ପଡିଲା ॥

ତକ୍ଷଣେ ଗୋବିନ୍ଦ ରଖିଲା ॥

ସେ ପୁଣି ଗଭୁ ଜନ୍ମହୋଇ ।

ପାଳିଲା ରାଜାପଣେ ମହୀ ॥

ଜଗତେ  ଯେତେ କର୍ମକଲା ॥

ପ୍ରଜାଙ୍କୁ ଯେମନ୍ତେ ପାଳିଲା ॥

କେବଣ ହେତୁ ନୃପରାଣ ।

କାହିଁ ଛାଡିଲା ନିଜପ୍ରାଣ ॥

ଅଳପ ବୟସେ ନୃପତି ।

ଅନ୍ତେ ଲଭିଲା କେଉଁ ଗତି ॥

ଆନନ୍ଦେ ଲଭିଲା କେଉଁ ଗତି ॥

ଆନନ୍ଦେ ବ୍ୟାସଙ୍କର ସୁତ

ଯାହାକୁ ଦେଲେ ଜ୍ଞାନତତ୍ତ୍ଵ ॥

ତାର ସକଳ କର୍ମଦିକ୍ଷା ॥

ଶ୍ରବଣେ ଆରମ୍ଭ କରୁ ଇଚ୍ଛା ॥

ଆମ୍ଭଙ୍କୁ ଯେବେ ଦୟାବହା

ସଂଶୟ ଯାଉ ମୁନି କହ ॥

ସୂତ ଉବାଚ

କୁରୁ ନଗରେ ଧର୍ମରାଜା ।

ପୁତ୍ରଙ୍କ ପ୍ରୟୋ ପାଳେ ପ୍ରଜା ॥

କୃଷ୍ଣ ହୁଁ ନଜାଣଇ ଆନ ।

ବିଷୟା ରସେ ନାହିଁ ମନା ।।

କି ଧନ ସମ୍ପଦ ରକ୍ଷଣେ ।

କି ସ୍ନେହ ଭାର୍ଯ୍ୟା ଭ୍ରାତୃଗଣେ ॥

ଧର୍ମହୁଁ ଅନ୍ୟ ନାହିଁ ଚିତ୍ତେ ।

ରାଜ୍ୟ ପାଳନେ ଏହିମତେ ॥

ଏ ଜମ୍ବୁଦ୍ଵୀପେ ଯେତେ ରାଜା ।

ସର୍ବେ କରନ୍ତି ପାଦ  ପୂଜା ॥

ଯାର ମହିମା ତିନିଲୋକେ ।

ଘୋଷନ୍ତି ଏକକୁ ଆରକେ ॥

ଗୋବିନ୍ଦ ଯାର ହୃଦେ ବସେ ।

ସେ କି ବିଷୟରେସେ ରସେ ॥

କ୍ଷୁଧିତ ଜନ ମନ ଯେହ୍ନେ ।

ଅନ୍ନହୁଁ ନ ଲୋଡଇ ଆନୋ ॥

ଅବଧୂତଙ୍କ ବାର୍ତ୍ତା

ସୁଧୀ ପାଠକ ମଣ୍ଡଳୀ, ଭାଗ ତେୟାନବେରେ ଭାଗବତ ପ୍ରଥମ ସ୍କନ୍ଧର ଏକାଦଶ ଅଧ୍ୟାୟ ସରିଛି । ଏକାଦଶ ଅଧ୍ୟାୟରେ ଭଗବାନ ଶ୍ରୀକୃଷ୍ଣ ମହାଭାରତ ଯୁଦ୍ଧର ଅନ୍ତିମ ପର୍ବ ସମାପ୍ତ ପରେ ଧର୍ମସୁତ ଯୁଧିଷ୍ଠିରଙ୍କୁ ସମ୍ରାଟ ପଦରେ ଅଧିଷ୍ଠିତ କଲେ । ତାଙ୍କୁ ଧର୍ମ ସଂସ୍ଥାପନା ଦାୟିତ୍ଵ ଅର୍ପଣ କରି ଦ୍ଵାରକା ପ୍ରତ୍ୟାବର୍ତ୍ତନ ଓ ଦ୍ଵାରକା ଲୀଳା ସଂପର୍କରେ ବର୍ଣ୍ଣନା କରାଯାଇଛି । ଭାଗ ଚୌରାନବେରୁ ଦ୍ଵାଦଶ ଅଧ୍ୟାୟ ଆରମ୍ଭ ହୋଇଛି । ଏହି ଅଧ୍ୟାୟରେ  ଅଭିମନ୍ୟୁ ପୁତ୍ର ପରୀକ୍ଷିତଙ୍କ ଜନ୍ମ ଜାତକାଦି ବିଷୟରେ ବର୍ଣ୍ଣନା କରାଯାଉଛି।

ନୈମିଷ ଅରଣ୍ୟର ଜ୍ଞାନଯଜ୍ଞ ସ୍ଥଳରେ ସମବେତ ମୁନିଋଷିଗଣ ସୂତଙ୍କ  ମୁଖରୁ ଶ୍ରୀକୃଷ୍ଣଙ୍କ ଚମତ୍କାର  ଲୀଳା ଶ୍ରବଣ କରି କୃତକୃତ୍ୟ ହେଲେ । ସେମାନଙ୍କ ମଧ୍ୟରୁ କୁଳବୃଦ୍ଧ ଶୌନକମୁନି ସୂତଙ୍କୁ ପଚାରିଲେ –ହେ’ ସୂତ, ଧର୍ମ ସଂସ୍ଥାପନା ପରେ ଶ୍ରୀକୃଷ୍ଣ ଦ୍ଵାରକା ଫେରିଆସିଲେ । ସାଧାରଣ ମନୁଷ୍ୟ ପରି ଜ୍ଞାତିଜନ ଓ ପ୍ରଜାଙ୍କ ସହିତ ଭାବ ବିନିମୟ ପୂର୍ବକ ଆତ୍ମାରମ ଭାବରେ ରାଜ୍ୟ ଶାସନ କଲେ । ତହିଁପର ଘଟଣା ସଂପର୍କରେ ଶୁଣିବା ପାଇଁ ମନ ଉଚ୍ଛନ୍ନ ହେଉଛି ।

ପୂର୍ବକଥିତ ଅନୁଯାଇ କ୍ରୋଧିତ ଅଶ୍ଵତ୍ଥାମା ପୃଥ୍ଵୀ ଅପାଣ୍ଡବା ଉଦ୍ଦେଶ୍ୟରେ ଉତ୍ତରାଙ୍କ ଗର୍ଭକୁ ଯେଉଁ ବ୍ରହ୍ମଶର ପେଷିଥିଲା, ସେ ଅବ୍ୟର୍ଥ ବାଣର ତେଜରେ ଦଶଦିଗପାଳାଦି ସର୍ବ ଦେବାଦେବୀ ଭୟରେ ଥରହର  ହେଲେ । ସେ ବାଣ ଉତ୍ତରା ଗର୍ଭରେ ପଡିବା କ୍ଷଣି ନାରାୟଣ ଚକ୍ର ଆଢୁଆଳରେ ଗର୍ଭ ସନ୍ତାନକୁ ରକ୍ଷା  କଲେ । ସେଇ ଶିଶୁପୁତ୍ର ଜନ୍ମ ହୋଇ କାଳକ୍ରମେ ରାଜା ହେଲେ ଓ ଧର୍ମନୀତିରେ ପ୍ରଜାପାଳନ କଲେ । ପୁଣି ଅଳ୍ପ ବୟସରେ ଯୁବରାଜ କେଉଁ କାରଣରୁ ମୃତ୍ୟୁକୁ ଆମନ୍ତ୍ରଣ କରି ଦେହ ଛାଡିଲେ ? ବ୍ୟାସଦେବଙ୍କ ପୁତ୍ର ଶୁକଦେବ ମୃତ୍ୟୁ ପ୍ରତୀକ୍ଷିତ ଯୁବରାଜଙ୍କୁ ସର୍ବ ଜ୍ଞାନତତ୍ତ୍ଵ ଶୁଣାଇଲେ  କାହିଁକି ?ଶରୀର ତ୍ୟାଗ ପରେ ସେଇ ନିର୍ମଳ ଆତ୍ମାର ଗତି ପୁଣି କେଉଁ ଭାବରେ, କେଉଁ ଲୋକକୁ ପ୍ରବେଶ କଲା ? ସେଇ ପରମ ସନ୍ଥ ରାଜାଙ୍କ ରାଜାଙ୍କ ରାଜପଣ, କର୍ମକାଣ୍ଡ ଓ ନିତ୍ୟ ଜୀବନ ଲୀଳା  ସଂପର୍କରେ ଶୁଣିବା ପାଇଁ ଆମ୍ଭେମାନେ ବ୍ୟାକୁଳ ହୋଇ ପଡିଛୁ । ଦୟାପର ବଶତଃ ଆମ୍ଭ ନିବେଦନ ରକ୍ଷା କଲେ ସଂଶୟ ଦୂର ହେବ ।

ଶୌନକ ମୁନିଙ୍କ ଉତ୍କଣ୍ଠିତ ପ୍ରାଣର ପ୍ରଶ୍ନ ଶ୍ରବଣ କରୁ ସୂତ୍ର ଅତ୍ୟନ୍ତ ପ୍ରୀତ ହେଲେ ଓ କହିଲେ – ହେ’ ମୁନିଜନେ, ତା ପରବର୍ତ୍ତୀ ଘଟଣା ସଂପର୍କରେ ଏବେ ଶ୍ରବଣ କର । ଧର୍ମରାଜ ଯୁଧିଷ୍ଠିର ଶ୍ରୀକୃଷ୍ଣଙ୍କ ପରାମର୍ଶରେ  ପୃଥ୍ଵୀ ପୃଷ୍ଠର ପ୍ରଜାଗଣଙ୍କୁ ପୁତ୍ରପରି ପାଳନ କଲେ । ଧନସମ୍ପଦ, ଭାର୍ଯ୍ୟା, ଭ୍ରାତା ଓ ପ୍ରିୟଜନଙ୍କୁ ଭୁଲି ଏକ ଧ୍ୟାନରେ ପ୍ରଜାଙ୍କୁ ସୁଖ ବାଣ୍ଟିବାରେ ବ୍ରତୀ ହେଲେ । ଯେପରି ଭୋକିଲା ମନୁଷ୍ୟ ଅନ୍ନ ଚିନ୍ତାରେ ଅନ୍ୟ ସବୁ କିଛି ଭୁଲି ଯାଏ, ସେହିପରି ଧର୍ମରାଜ ଧର୍ମ ଚିନ୍ତାରେ ଅନ୍ୟ ସବୁ ଭୁଲିଗଲେ । ଗୋବିନ୍ଦଙ୍କୁ ହୃଦୟରେ ବସାଇ ପ୍ରଜା ଶାସନ  କଲେ । ବିଷୟାରସ, ଅମାପ ଅଲୋଡା ସମ୍ପଦର ମୋହ ତ୍ୟାଗ କରି ଧର୍ମପଥରେ ରାଜପଣ ସଂପାଦନ କଲେ । ଯୁଧିଷ୍ଠିରଙ୍କୁ ପ୍ରଜା ସୁସମାଚାର ସ୍ଵର୍ଗ, ମର୍ତ୍ତ୍ୟ, ପାତାଳ, ତିନିପୁର ବ୍ୟାପିଗଲା । ଦେବାଦେବୀ ଗଣ ଯୁଧିଷ୍ଠିରଙ୍କ ଧର୍ମ ନୀତିପ୍ରତି ଆକୁଣ୍ଠ ସମର୍ଥନ ଜଣାଇ ସବୁଦିଗକୁ ସହାୟତା କଲେ । ଏପରି ମାନବସେବା ଦେଖି ଜମ୍ବୁଦ୍ଵୀପର ସମସ୍ତ ରାଜନଗଣ ଯୁଧିଷ୍ଠିରଙ୍କ ପ୍ରଦାଙ୍କ ଅନୁସରଣ କରି ନିଜ ନିଜ ଭୂଖଣ୍ଡର ପ୍ରଜାମାନଙ୍କୁ ସୁଖ, ଶାନ୍ତି ପ୍ରଜାନ କରୁଥିଲା । ବେଦନୀତିରେ ଶାସନ ଓ ଦଣ୍ଡ ଗ୍ରହଣ କରି, ଦୟା, କ୍ଷମାଗୁଣରେ ପ୍ରଜାଙ୍କୁ ସୁଖ, ଦୁଃଖ ବାଣ୍ଟୁଥିଲେ । ଯୁଧିଷ୍ଠିରଙ୍କ ଧର୍ମନୀତିର ମାନବସମାଜକୁ ଦେଖି, ଧରଣୀମାତା କୃତକୃତ୍ୟ ହେଲେ ।

ଆଧାର – ଦୈନିକ ସଂଚାର

Last Modified : 12/12/2019



© C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate