ପ୍ରଧାନମନ୍ତ୍ରୀ ଜନ ଧନ ଯୋଜନା(ବାରମ୍ବାର ଉଠୁଥିବା ପ୍ରଶ୍ନାବଳୀ)

ପ୍ରଧାନମନ୍ତ୍ରୀ ଜନ ଧନ ଯୋଜନା କଣ  ?

ଆର୍ଥିକ ଅନ୍ତର୍ଭୂକ୍ତି ପାଇଁ ଏହା ଏକ ଜାତୀୟ ଅଭିଯାନ   । ପ୍ରଧାନମନ୍ତ୍ରୀ ଜନ ଧନ ଯୋଜନା ମାଧ୍ୟମରେ ସମସ୍ତ ଜନସାଧାରଣଙ୍କୁ ସହଜଲବ୍ଧ ଉପାୟରେ ସବୁ ପ୍ରକାରର ଆର୍ଥିକ ସେବା ଯଥା ବ୍ୟାଙ୍କିଙ୍ଗ , ସଞ୍ଚୟ, ଜମାଖାତା , ଅର୍ଥପ୍ରେରଣ , ଋଣ , ବୀମା ଓ ପେନସନ ଆଦି ଯୋଗାଇ ଦେବାକୁ ସୁନିଶ୍ଚିତ କରାଯାଇଛି   ।

ପ୍ରଧାନମାନତରୀ ଜନଧନ ଯୋଜନାରେ କିଏ ସଞ୍ଚୟ ଖାତା ଖୋଲି ପାରିବେ   ?

କୌଣସି ବ୍ୟାଙ୍କରେ ଖାତା ନଥିବା ଯେକୌଣସି ଭାରତୀୟ ନାଗରିକ    ।

ଏହି ଯୋଜନାରେ ମିଳିତ ସଞ୍ଚୟ ଖାତା ଖୋଲି ହେବ   ?

ହଁ ! ଏହି ପ୍ରଧାନମନ୍ତ୍ରୀ ଜନଧନ ଯୋଜନାରେ ମିଳିତ ସଞ୍ଚୟ ଖାତା ଖୋଲିହେବ  ।  କିନ୍ତୁ ଏହାର ପରିଚାଳନା “ ଯେ କେହି ବା ବଞ୍ଚିଥିବା “ ଭିତ୍ତିରେ କରିହେବ   ।

ଏହି ଯୋଜନାରେ କୋଉଠି ଆକାଉଣ୍ଟ (ସଞ୍ଚୟ ଖାତା ) ଖୋଲି ହେବ   ?

ଏହି ଯୋଜନାରେ ଯେକୌଣସି ବ୍ୟାଙ୍କ ଶାଖା ବା ବ୍ୟାଙ୍କଙ୍ଗ ସହଯୋଗୀ (ବ୍ୟାଙ୍କ ମିତ୍ର ଙ୍କ ପାଖରେ ସଞ୍ଚୟ ଖାତା ଖୋଲିହେବ   ।

ବି.ଏସ.ବି.ଡି.ଏ ଆକାଉଣ୍ଟ କଣ  ?

• ଭାରତୀୟ ରିଜର୍ଭ ବ୍ୟାଙ୍କଙ୍କର ବ୍ୟାଖ୍ୟା ଅନୁଯାୟୀ ବି.ଏସ.ବି.ଡି.ଏ ଆକାଉଣ୍ଟ ବା ମୌଳିକ ସଞ୍ଚୟ ବ୍ୟାଙ୍କ ଜମାଖାତାରେ ନିମ୍ନ ସୁବିଧାମାନ ଉପଲବ୍ଧ   ।
• ସର୍ବନିମ୍ନ ଜମାରାସୀର ଆବଶ୍ୟକତା ନାହିଁ   ।
• ଏ.ଟି.ଏମ ବୈଦ୍ୟୁତିକ ମାଧ୍ୟମ ସମେତ ବ୍ୟାଙ୍କ ଶାଖା ମାନଙ୍କରେ ଅର୍ଥ ଜମା ଓ ଉଠାଣ , ଚେକ ଜମା ଇତ୍ୟାଦି ସୁବିଧା ମାନ ଏଥିରେ ଉପଲ୍ଲବ୍ଧ   ।
• ମାସକୁ ସର୍ବାଧିକ ଚାରିଥର ସଞ୍ଚୟଖାତାରୁ ଅର୍ଥ ଉଠାଣ କରି ହେବ   ।  କିନ୍ତୁ ଜମା କରିବାରେ କୌଣସି ବାଧା ନାହିଁ   ।
• ଏ.ଟି.ଏମ କାର୍ଡ କିମ୍ବା ଏ.ଟି.ଏମ ଯୁକ୍ତ ଡେବିଟ କାର୍ଡର ସୁବିଧା   ।
• ଏସମସ୍ତ ସେବା ବିନା ଅତିରିକ୍ତ ଖର୍ଚ୍ଚ ଉପଲ୍ଲବ୍ଧ   ।

ବି.ଏସ.ବି.ଡି.ଏ ଖାତା ଖୋଲିବାକୁ ବୟସ , ରୋଜଗାର , ଜମାରାଶି ଇତ୍ୟାଦିର କୌଣସି ପ୍ରତିବନ୍ଧ ଅଛି କି  ?

- ନାଁ ! ଦଶ ବର୍ଷରୁ ଉର୍ଦ୍ଧ୍ଵ ଯେ କୌଣସି ବ୍ୟକ୍ତି ଯେ କୌଣସି ବ୍ୟାଙ୍କରେ ବି.ଏସ.ବି.ଡି.ଏ ଖାତା ଖୋଲି ପାରିବେ   ।

ରୂପେ ଡେବିଟ କାର୍ଡ କଣ ?

ନେସିନାଲ ପେମେଣ୍ଟ କର୍ପୋରେସନ ଅଫ ଇଣ୍ଡିଆ  ଦ୍ଵାରା ସ୍ଵଦେଶୀ ଜ୍ଞାନ କୌଶଳରେ ନିର୍ମିତ ଏହି ଡେବିଟ କାର୍ଡକୁ ରୂପେ ଡେବିଟ କାର୍ଡ କହନ୍ତି  । ଏହି କାର୍ଡ ଦ୍ଵାରା ଦେଶର ସବୁ ଏ .ଟି.ଏମ ରୁ ଅର୍ଥ ଉଠାଣ  କରି ହେବ   ।  ଏହା ବ୍ୟତୀତ ପି.ଓ.ଏସ ମେସିନ ଥିବା ଦୋକାନକୁ ଏହି କାର୍ଡ ମାଧ୍ୟମରେ ବିନା ନଗଦ ଟଙ୍କା ପଇଠରେ କିଣା ବିକା କରି ହେବ   ।

ଏତତବ୍ୟତୀତ ଅନ୍ୟ କଣ ସ୍ଵତନ୍ତ୍ର ଫାଇଦା ମିଳିବ   ?

ରୂପେ ଡେବିଟ କାର୍ଡଧାଡ଼ିଙ୍କୁ ବିନା ଖର୍ଚ୍ଚରେ ଏକ ଲକ୍ଷ ଟଙ୍କା ପର୍ଯ୍ୟନ୍ତ ଦୁର୍ଘଟଣା ବୀମାର ଓ ତିରିଶ ହଜାର ଟଙ୍କାର ଜୀବନ ବୀମାର ସୁବିଧା ମିଳିଥାଏ   ।

ନିରକ୍ଷରମାନେ କଣ ରୂପେ ଡେବିଟ କାର୍ଡ ପାଇ ପାରିବେ   ?

ନିଶ୍ଚୟ ! ତେବେ ନିରକ୍ଷରମାନଙ୍କୁ ଏହି କାର୍ଡ ପ୍ରଦାନ କରିବା ଆଗରୁ ବ୍ୟାଙ୍କ ଶାଖା ପରିଚାଳକ ତାଙ୍କୁ ସମ୍ଭାବିତ ବିପଦ ସମ୍ପର୍କରେ ଅବଗତ କରାଇବେ   ।

ରୂପେ ଡେବିଟ କାର୍ଡକୁ କେମିତି ଚାଲୁ ରଖାଯାଇ ପାରିବ  ?

ଦୁର୍ଘଟଣା ବୀମାର ଫାଇଦା ନେବାପାଇଁ ଏହି କାର୍ଡ ମାଧ୍ୟମରେ ଅନ୍ତଃ ୪୫ ଦିନ ଭିତରେ ଥରେ କାରବାର  କରିବା ଦରକାର   ।

ଯଦି ଜଣଙ୍କର ଦୁଇ ବା ତତୋଧିକ ରୂପେ ଡେବିଟ କାର୍ଡ ଥାଏ ବା ଏକାଉଣ୍ଟ ଥାଏ ,ତାହେଲେ ଦୁର୍ଘଟଣା ବୀମାର ସୁବିଧା ସବୁ କାର୍ଡ /ସବୁ ସଞ୍ଚୟ ଖାତା ପାଇଁ ମିଳିବ  କି  ?

ନାଁ ! ଦୁର୍ଘଟଣା ବୀମା କେବଳ ଗୋଟିଏ ଖାତା ପାଇଁ ଜଣକୁ ମିଳିବ   ।

ଯଦି ଜଣଙ୍କର ଆଗରୁ ବ୍ୟାଙ୍କ ଖାତା ଅଛି  ? ଦୁର୍ଘଟଣା ବୀମା / ଜୀବନ ବୀମା ସୁବିଧା ପାଇଁ ତାକୁ କଣ ପ୍ରଧାନମନ୍ତ୍ରୀ ଜନଧନ ଯୋଜନା ଯୋଜନାରେ ଆଉ ଏକ ଖାତା  ଖୋଲିବାକୁ ପଡିବ   ?

ଏହାର ଆବଶ୍ୟକତା ନାହିଁ   । ସେହି ପୁରୁଣା ସଞ୍ଚୟ ଖାତା ପାଇଁ ରୂପେ ଡେବିଟ କାର୍ଡ ପ୍ରାପ୍ତ ହେଲେ ଏ ସମସ୍ତ ସୁବିଧା ମିଳିପାରିବ   ।

ପ୍ରଧାନମନ୍ତ୍ରୀ ଜନ ଧନ ଯୋଜନାରେ ଖୋଲିଥିବା ସଞ୍ଚୟ ଖାତାରେ ପାଞ୍ଚ ହଜାର ଟଙ୍କା ପର୍ଯ୍ୟନ୍ତ ସାମୟିକ ଋଣ (ଓଭରଡ୍ରାଫ ) ମିଳିବାର ନିୟମ କଣ  ?

ଗୋଟିଏ ପରିବାରର ଜଣେ ପ୍ରଧାନମନ୍ତ୍ରୀ ଜନଧନ ଯୋଜନାରେ ଖୋଲିଥିବା ସଞ୍ଚୟ ଖାତାରେ ୫୦୦୦ ଟଙ୍କା ପର୍ଯ୍ୟନ୍ତ ସାମୟିକ ଋଣ ଓ ଓଭରଡ୍ରାଫ ପାଇପାରିବେ   ।  କିନ୍ତୁ ଏହି ଖାତାରେ ଛଅ ମାସ ଧରି ସନ୍ତୋଷଜନକ କାରବାର ହୋଇଥିବା ଦରକାର   ।  ଆଧାର ନମ୍ବର ମଧ୍ୟ ଦରକାର  ।  ଯଦି ଆଧାର ନମ୍ବର ନାହିଁ ତାହେଲେ ବ୍ୟାଙ୍କ ଆବଶ୍ୟକୀୟ ପଚରାଉଚୁରା କରି ଖାତାଧିକାରୀଙ୍କୁ ଘୋଷଣା ନାମ ଦେବାକୁ କହିବେ   ।

ପରିବାର ଏକାଧିକ ସଞ୍ଚୟ ଖାତାରେ ଏହି ଓଭରଡ୍ରାଫ ମିଳିପାରିବ କି  ?

ନାଁ ! ପ୍ରତି ପରିବାରର ଜଣକୁ (ମହିଳାଙ୍କୁ ପ୍ରାଧାନ୍ୟ ଦିଆଯିବ  ) ଏହି ସୁବିଧା ମିଳିପାରିବ   ।

ଦୁର୍ଘଟଣା ବୀମା କଣ ? ଏହାର ପ୍ରିମିୟମ କିଏ ଦେବ  ?

ଦୁର୍ଘଟଣା ଜନିତ କ୍ଷତି ଯଥା ଗୋଟିଏ ଉଭୟ ଅଙ୍ଗ ହାନୀ ବା ଜୀବନ ହାନୀ ପାଇଁ ଏକ ଲକ୍ଷ ଟଙ୍କା ପର୍ଯ୍ୟନ୍ତ କ୍ଷତିପୂରଣ ମିଳିପାରିବ   ।  ଏନ.ସି.ପି.ଆଇ ଏହାର ପ୍ରିମିୟମ ପ୍ରଦାନ କରିବ   ।

ଯଦି ଉଭୟ ସ୍ଵାମୀ ସ୍ତ୍ରୀ ପ୍ରଧାନମନ୍ତ୍ରୀ ଜନ ଧନ ଯୋଜନାରେ ସଞ୍ଚୟ ଖାତାଧାରୀନ୍କୁମିଳିବ .  । କିନ୍ତୁ ୫୦୦୦ ଟଙ୍କାର ଓଭରଡ୍ରାଫ କେବଳ ପରିବାରର ଜଣକୁ ମିଳିବ   ।  ମହିଳାମାନଙ୍କୁ ପ୍ରାଧାନ୍ୟ ଦିଆଯିବ   ।

ପ୍ରଧାନମନ୍ତ୍ରୀ ଜନ ଧନ ଯୋଜନାରେ ସଞ୍ଚୟ ଖାତା ଖୋଲିବାକୁ କଣ କଣ ଦସ୍ତାବିଜ ଦରକାର  ?

(କ) ଯଦି ଆଧାର କାର୍ଡ ଥାଏ ତାହା ହେଲେ ଅନ୍ୟ କୌଣସି ଦସ୍ତାବିଜ ଦରକାର ନାହିଁ   । ଯଦି ଆଧାର କାର୍ଡର ଠିକଣା ବଦଳାଇବାକୁ ଅଛି ତାହାଲେ ନିଜେ ଗୋଟିଏ ଘୋଷଣା ପତ୍ର ଦେଲେ ଯଥେଷ୍ଟ   ।

(ଖ) ନିଜର ପରିଚୟ ପତ୍ର ( ଯେ କୌଣସି ଗୋଟିଏ )

• ଭୋଟର ପରିଚୟ ପତ୍ର   ।
• ଡ୍ରାଇଭିଙ୍ଗ ଲାଇସେନ୍ସ   ।
• ପ୍ୟାନ କାର୍ଡ ।
• ପାସ ପୋର୍ଟ   ।
• ନରେଗା ପ୍ରମାଣ ପତ୍ର   ।

(୨) ବାସସ୍ଥାନର ପ୍ରମାଣ ପତ୍ର   -

ଯଦି ଉପରୋକ୍ତ ମଧ୍ୟରୁ କୌଣସିଟିରେ ଆପଣଙ୍କ ଠିକଣା ଥାଏ   ,  ତାହା ହେଲେ ଏହା ପରିଚୟ ପତ୍ର ଓ ବାସଗୃହର ପ୍ରମାଣ ପତ୍ର ହିସାବରେ ନିଆଯିବ   ।  ନଚେତ ରେଷଣ କାର୍ଡ , ଟେଲିଫୋନ ବିଲ , ଇଲେକ୍ଟ୍ରି ବିଲ ଇତ୍ୟାଦି ଯେଉଁତିରେ ଆପଣଙ୍କର ଠିକଣା ଲେଖାଥିବ ତାହା ଗ୍ରହଣୀୟ   ।

ଯଦି ଏ ସବୁ କିଛି ନାହିଁ   , ତାହାହେଲେ ନିଜ ଠିକଣା ଓ ଫଟୋ ଥିବା ରାଜ୍ୟ ବା କେନ୍ଦ୍ର ସରକାର ବା ରାଷ୍ଟ୍ରାୟତ୍ତ କମ୍ପାନୀ ପ୍ରଦତ୍ତ ପରିଚୟ ପତ୍ର ମଧ୍ୟ ଗ୍ରହଣୀୟ   ।  ଅଥବା କୌଣସି ଗେଜେଟେଡ ଅଫିସରର ଦ୍ଵାରା ସ୍ଵାକ୍ଷରିତ ପରିଚୟ ପତ୍ର ଓ ବାସସ୍ଥାନର ପ୍ରମାଣ ପତ୍ର ମଧ୍ୟ ଗ୍ରହଣୀୟ   ।

ପ୍ରଧାନମନ୍ତ୍ରୀ ଜନଧନ ଯୋଜନାରେ ମିଳିଥିବା ସଞ୍ଚୟ ଖାତାରେ ଚେକ ବହି ମିଳିପାରିବ କି  ?

ଆବଶ୍ୟକୀୟ ବ୍ୟାଙ୍କ ସର୍ତ୍ତ (ସର୍ବନିମ୍ନ ଜମାରାସୀ ସମ୍ପର୍କରେ ) ପୂରଣ କରି ଚେକ ବହି ନେଇ ପାରିବେ   ।

ପ୍ରଧାନମନ୍ତ୍ରୀ ଜନ ଧନ ଯୋଜନାରେ ଖାତା ଖୋଲିଲେ କଣ କଣ ସ୍ଵତନ୍ତ୍ର / ପ୍ରତ୍ୟକ୍ଷ ସୁବିଧା ମିଳିବ   ?

ସ୍ଵତନ୍ତ୍ର ସୁବିଧାମାନ ହେଲା  -

(କ) ଜମା ଉପରେ ସୁଧ   ।

(ଖ) ଜମା ଉପରେ ସୁଧ   ।

(ଗ)ସର୍ବନିମ୍ନ ଜମା ଆବଶ୍ୟକ ନାହିଁ   ।  କିନ୍ତୁ ରୂପେ ଏଟିଏମ କାର୍ଡ ବ୍ୟବହାର ପାଇଁ କିଛି ଜମା ରାଶି ଖାତାରେ ରହିବା ବାଞ୍ଛନୀୟ   ।

(ଘ) ତିରିଶ ହଜାର ଟଙ୍କାର  ଜୀବନ ବୀମା   ।

(ଙ) ସୁବିଧାରେ ଭାରତ ଭିତରେ ଅର୍ଥ ପ୍ରେରଣ   ।

(ଚ) ସରକାରୀ ହିତାଧିକାରୀ ମାନଙ୍କ ଖାତାକୁ ସିଧାସଳଖ ଅର୍ଥ ପ୍ରେରଣ   ।

(ଛ) ଛଅ ମାସ ସନ୍ତୋଷ ଜଣକ କାରବାର କଲେ ପାଞ୍ଚ ହଜାର ପର୍ଯ୍ୟନ୍ତ ସାମୟିକ ଋଣ (ଓଭରଡ୍ରାଫ) ର ସୁବିଧା   ।

(ଜ) ପେନସନ ଓ ଅନ୍ୟାନ୍ୟ ବୀମାର ସୁବିଧା   ।

ମୋ ପାଖରେ ସଞ୍ଚୟ ଖାତା ଖୋଲିବାକୁ କୌଣସି ବୈଧ ସରକାରୀ ଦଲିଲ ନାହିଁ   ।  ତଥାପି ମୁଁ ଖାତା ଖୋଲି ପାରିବି କି  ?

ଭାରତୀୟ ରିଜର୍ଭ ବ୍ୟାଙ୍କ ୨୬ ଅଗଷ୍ଟ ୨୦୧୪ ରେ ଜାରି କରିଥିବା ବିଜ୍ଞପ୍ତି ଅନୁଯାୟୀ  :

କିଛି ବୈଧ ସରକାରୀ ପ୍ରମାଣପତ୍ର ନଥାଏ , ନିଜ ଦ୍ଵାରା ପ୍ରତି ସ୍ଵାକ୍ଷରିତ ଫଟୋ ଓ ସ୍ଵାକ୍ଷର ଦେଇ “ କ୍ଷୁଦ୍ର ଜମା ଖାତା “ ଖୋଲିହେବ   ।

• ଏହି “ କ୍ଷୁଦ୍ର ଜମା ଖାତା  “ ରେ ବର୍ଷକୁ ଜମା ଏକ ଲକ୍ଷରୁ ଅଧିକ ହୋଇନଥିବ   ।
• ମାସକୁ ଉଠାନ ଦଶ ହଜାରରୁ କମ ଥିବ   ।
• ବଳକା ଜମା ପଚାଶ ହଜାର ଟଙ୍କାରୁ ଅଧିକ ହୋଇନଥିବ   ।
• ଏହି ଖାତା ଏକ ବର୍ଷ ଯାଏ କାଏମ ରହିବ   ।
• ଏହା ପରେ ମଧ୍ୟ ଯଦି ସଞ୍ଚଯ ଖାତାଧାରୀ ବୈଧ ପ୍ରମାଣ ପତ୍ର ପାଇଁ ଆବେଦନ କରିଥିବେ ତା ହେଲେ ପୁଣି ଏକ ବର୍ଷ ପାଇଁ ଏହା କାଏମ ରହିବ   ।

ପ୍ରଧାନମନ୍ତ୍ରୀ ଜନ ଧାନ ଯୋଜନା ଖୋଲିଥିବା ସଞ୍ଚୟ ଖାତାର ଜମା ଉପରେ କେତେ ସୁଧ ମିଳିବ   ?

ଅଧିକାଂଶ ବ୍ୟାଙ୍କରେ ସଞ୍ଚୟ ଖାତାରେ ବର୍ଷକୁ ୪ ପ୍ରତିଶତ ସୁଧ ମିଳେ   ।

ପ୍ରଧାନମନ୍ତ୍ରୀ ଜନ ଧାନ ଯୋଜନାରେ ଓଭରଡ୍ରାଫ ବା ସାମୟିକ ଋଣରେ କେତେ ସୁଧ ଦେବାକୁ ପଡିବ   ।

ବ୍ୟାଙ୍କର ମୌଲିକ ସୁଧ +ଦୁଇ ପ୍ରତିଶତ   ।

୨୩. ପ୍ରଧାନମନ୍ତ୍ରୀ ଜନ ଧାନ ଯୋଜନାରେ ସଞ୍ଚୟ ଖାତା ଖୋଲିବାକୁ କୌଣସି ଫି (ଶୁଳ୍କ ) ଦେବାକୁ ପଡିବ କି  ?

ନାଁ । ଏହା ସଂପୂର୍ଣ୍ଣ ନିଃଶୁକ୍ଳ   ।

ଅଠର ବର୍ଷରୁ କମ ବୟସ୍କ ବ୍ୟକ୍ତି ଏହି ଯୋଜନାରେ ଖାତା ଖୋଲି ପାରିବେ କି  ?

ଜଣେ ଦଶ ବର୍ଷରୁ ଉର୍ଦ୍ଧ୍ଵ ନାବାଳକ ନିଜର ସଞ୍ଚୟ ଖାତା କୌଣସି ବ୍ୟାଙ୍କରେ ଖୋଲି ପାରିବେ   ।

ପ୍ରଧାନମନ୍ତ୍ରୀ ଜନ ଧନ ଯୋଜନାରେ ଖୋଲୁଥିବା ସଞ୍ଚୟ ଖାତା ଅନ୍ୟ ସହର ବା ରାଜ୍ୟକୁ ବଦଳି କରାଗଲା  ପାରିବ କି  ?

ଯେହେତୁ ଏହି ଯୋଜନାରେ ଖାତା ଖୋଳୁଥିବା ବ୍ୟାଙ୍କ ସିବିଏସ (କୋର ବ୍ୟାଙ୍କିଙ୍ଗ ସଲ୍ୟୁସନ) ଦ୍ଵାରା କାର୍ଯ୍ୟ କରନ୍ତି ତେଣୁ ଏହି ଖାତା ସବୁ ତାଙ୍କର ଯେ କୌଣସି ଶାଖାକୁ  ସ୍ଥାନାନ୍ତରିତ ହୋଇପାରିବ   ।

ଯାହାର ଭିସା କାର୍ଡ ଅଛି ତାଙ୍କୁ କଣ ରୂପେ ଡେବିଟ କାର୍ଯ୍ୟ ମଧ୍ୟ ମିଳିବ  ?

ରୂପେ ଡେବିଟ କାର୍ଡ ପାଇବାକୁ ହେଲେ ଭିସା କାର୍ଡକୁ ଫେରସ୍ତ ଦେବାକୁ ପଡିବ   ।

ଯଦି ବର୍ତ୍ତମାନ ଠିକଣା ପ୍ରମାଣ ପତ୍ର ମିଳୁନାହିଁ   ।  ତାହେଲେ କଣ କରିବା  ?

ବାରମ୍ବାର ସ୍ଥାନାନ୍ତରିତ ଶ୍ରମିକ ମାନଙ୍କର ଠିକଣା ସବୁବେଳେ ବଦଳୁ ଥାଏ   । ତେଣୁ ସେ କ୍ଷେତ୍ରରେ ସ୍ଵ- ଘୋଷଣା ପତ୍ରକୁ ଗ୍ରହଣ କରାଯାଇପାରିବ   ।

ବ୍ୟକ୍ତିଗତ ଦୁର୍ଘଟଣା ବୀମାର କିଛି ବୟସ ସୀମା ଅଛି କି   ?

ଅଠର ବର୍ଷରୁ ସତୁରୀ ବର୍ଷ ବ୍ୟକ୍ତିମାନେ ଏହି ବୀମାର ଅନ୍ତର୍ଭୁକ୍ତ ହୋଇପାରିବେ   । ଏହାଠାରୁ କମ ବେଶୀ ବୟସର ଲୋକଙ୍କୁ ପାଇଁ ଏହା ଉପଲ୍ଲବ୍ଧ ନୁହେଁ   ।

ରୂପେ ଡେବିଟ କାର୍ଡ ପ୍ରଦାନ କରିବାର ୪୫ ଦିନ ମଧ୍ୟରେ ଯଦି ଦୁର୍ଘଟଣା ହୁଏ ଏବଂ ସେ ଖାତାରେ କିଛି କାରବାର ହୋଇ ନଥାଏ ତା ହେଲେ ଖାତାଧାଡ଼ି ବୀମା ରାଶି ପାଇବେ ତ ?

ହଁ ! ଏ କ୍ଷେତ୍ରରେ ନିୟମ କୋହଳ କରାଯାଇଅଛି   ।  କିନ୍ତୁ ଏହି କାର୍ଡ ମାଧ୍ୟମରେ ମାସକୁ ଅନ୍ତତଃ ଥରେ କାରବାର କରିବା ବାଞ୍ଛନୀୟ   ।

ଦୁର୍ଘଟଣାର କେତେ ଦିନ ମଧ୍ୟରେ ବୀମା ଦାବୀ ଉପସ୍ଥାପନା ଦରକାର   ? ଏଥିପାଇଁ ନିମ୍ନଲିଖିତ କାଗଜଦି ଦେବାକୁ ପଡିବ   ।

• ଦୁର୍ଘଟଣାର ୬୦ ଦିନ ମଧ୍ୟରେ ବୀମା ରାସୀ ଦାବୀ ଉପସ୍ଥାପନା କରିବାକୁ ପଡିବ   । ଏଥିପାଇଁ ନିମ୍ନଲିଖିତ କାଗଜାଦି ଦେବାକୁ ପଡିବ   ।
• ସଂପୂର୍ଣ୍ଣ ଭାବରେ ପୂରଣ ହୋଇଥିବା ଦାବୀ ଫର୍ମ   ।
• ପୋଲିସ ଏଫ ଆଇ ଆର ର କପି   ।
• ଶବ ବ୍ୟବଚ୍ଛେଦର ରିପୋର୍ଟ (ଆବଶ୍ୟକ ସ୍ଥଳେ ) ବା ସରକାରୀ ମେଡିକାଲ ରିପୋର୍ଟ   ।
• ମୃତ୍ୟୁ କାରଣ ପ୍ରମାଣ ପତ୍ର  (ଆବଶ୍ୟକ ସ୍ଥଳେ  )
• ମୃତ୍ୟୁ ପ୍ରମାଣ ପତ୍ର  (ଆବଶ୍ୟକ ସ୍ଥଳେ )
• ଭିସ୍କେରା ରିପୋର୍ଟ (ଆବଶ୍ୟକ ସ୍ଥଳେ )
• ପାସପୋର୍ଟ /ପ୍ୟାନକାର୍ଡ /ଆଧାରକାର୍ଡ ଏବଂ ବାସସ୍ଥାନର ପ୍ରମାଣ ପତ୍ର   ।

ଆଧାର :ରାଷ୍ଟ୍ରୀୟ କୃଷି ଏବଂ ଗ୍ରାମ୍ୟ ଉନ୍ନୟନ ବ୍ୟାଙ୍କ