ଶାରୀରିକ ଓ ପେଶୀୟ ବିକାଶ ସାମଗ୍ରୀ
ସ୍ଥୂଳ ମାଂସପେଶୀ
- ଉଦ୍ଦେଶ୍ୟ –
ଏହି ସବୁ ସାମଗ୍ରୀ ବ୍ୟବହାର କରି ପିଲାମାନଙ୍କର ସ୍ଥୂଳ ମାଂସପେଶୀର ବିକାଶ ସାଧନ କରିପାରିବ ।
- ଉପକରଣ –
- ବଲ୍
- ଦଉଡି(୫ ମିଟର)
- ଦଉଡି ଡିଆଁ – ଦଉଡି
- ରିଙ୍ଗବଲ୍
- ବ୍ୟବହାର ପ୍ରଣାଳୀ –
- ବଲ୍ ଫିଙ୍ଗିବା ଓ ଧରିବା, ଗୋଡରେ ଉପରକୁ ଫୋପାଡିବା, ହାତରେ ମାରିବା ଇତ୍ୟାଦି କାର୍ଯ୍ୟ କରାଯାଇପାରିବ ।
- ଦଉଡିର ଦୁଇଟି ମୁଣ୍ଡକୁ ଯୋଡିବା ଗଣ୍ଠି ପକାଇ ପିଲାମାନଙ୍କୁ ଦଉଡି ଧରି ୪ ଜଣ ଚାରି କୋଣରେ ଠିଆ ହୋଇ ଚାରିକୋଣିଆ, ତିନିଜଣ ଦଉଡିଟି ଧରି ତିନକୋଣିଆ, ସେହିପରି କେତେ ଗୁଡିଏ ପିଲା ଦଉଡି ଧରି ଗୋଲାକାର ଆକୃତି କରାଯାଇପାରିବ । ଦଉଡିଟିକୁ ପିଲାମାନଙ୍କୁ ଧରାଇ ଦେଇ “ଆମେ ଉପରକୁ ଉପରକୁ ଯାଉଛୁ, ଆମେ ଯାଉଛୁ,ଆମେ ଡାହାଣକୁ ଡାହାଣକୁ ଯାଉଛୁ, ଆମେ ପଛକୁ ପଛକୁ ଯାଉଛୁ, ଆମେ ଆଗକୁ ଆଗକୁଯାଉଛୁ” ଇତ୍ୟାଦି କାର୍ଯ୍ୟକ୍ରମ କରାଯାଇ ପାରିବ ।
- ଦଉଡି ଡିଆଁ ଦ୍ଵାରା ଡିଆଁ ଡେଇଁ କାର୍ଯ୍ୟକ୍ରମ କରାଯାଇପାରିବ ।
- ରିଙ୍ଗ୍ ବଲ୍ ଫୋପାଡି ଧରିବା, ମୁଠାଇ କରି ଧରିବା ଖେଳ ଖେଳାଯାଇ ପାରିବ ।
ସୂକ୍ଷ୍ମ ମାଂସପେଶୀ
- ଉଦ୍ଦେଶ୍ୟ –
ତଳେ ଦିଆଯାଇଥିବା ଜିନିଷକୁ ବ୍ୟବହାର କରି ପିଲାମାନଙ୍କର ସୂକ୍ଷ୍ମ ମାଂସପେଶୀୟର ବିକାଶ ସାଧନ ଓ ହାତ ଓ ଆଖିର ସମ୍ମନ୍ଵିତ ଚାଳନା କରାଯାଇ ପାରିବ ।
- ଉପକରଣ –
- ପ୍ଲାଷ୍ଟିକ୍ ଦଉଡି
- ବିଭିନ୍ନ ରଙ୍ଗର ପ୍ଲାଷ୍ଟିକ୍ ମାଳି
- କଇଁଚି (ଅଗ୍ରଭାଗ ମୁନିଆ ହୋଇନଥିବ)
- ରଙ୍ଗିନ୍ କାଗଜ
- କ୍ରେୟନ୍, ରଙ୍ଗ
- ଛିଦ୍ରଥିବା କାଠର ବୋର୍ଡ଼, ପ୍ଲାଷ୍ଟିକ୍ କଣ୍ଟା ବା ଲୁହାକଣ୍ଟା (ମୁନ ନଥିବା) ଓ ବିଭିନ୍ନ ଆକାରର ଚିତ୍ର ।
- ବ୍ୟବହାର ପ୍ରଣାଳୀ –
- ପ୍ଲାଷ୍ଟିକ୍ ଦଉଡି ସାହାଯ୍ୟରେ ମାଳିକୁ ବିଭିନ୍ନ ପ୍ରକାର ଗୁନ୍ଥା ଯାଇପାରିବ ।
- ରଙ୍ଗିନ୍ କାଗଜକୁ ବିଭିନ୍ନ ଆକାରରେ କଇଁଚି ସାହାଯ୍ୟରେ କଟା ଯାଇପାରିବ ।
- କାଗଜ ଉପରେ ରଙ୍ଗ ସାହାଯ୍ୟରେ ଓ କ୍ରେୟନ୍ ସାହାଯ୍ୟରେ ନିଜ ଇଚ୍ଛାନୁସାରେ ଓ ଅଙ୍ଗନୱାଡୀ କର୍ମୀର ନିର୍ଦ୍ଦେଶ ଅନୁସାରେ ବିଭିନ୍ନ ପ୍ରକାରର ଚିତ୍ର ଅଙ୍କା ଯାଇପାଇବ ।
- ଛିଦ୍ର ଥିବା କାଠର ବୋର୍ଡ଼ରେ ଦିଆଯାଇଥିବା ନମୁନାକୁ ଦେଖି ମୁନ ନଥିବା ପ୍ଲାଷ୍ଟିକ୍/ ଲୁହାକଣ୍ଟା ଦ୍ଵାରା ସେହିପରି କରିବାକୁ ପିଲାମାନଙ୍କୁ କୁହାଯାଇପାରିବ ।
ଆଧାର - ଓଡିଶା ପ୍ରାଥମିକ ଶିକ୍ଷା କାର୍ଯ୍ୟକ୍ରମ ଅଧିକାରୀ ଶିକ୍ଷାସୌଧ
Last Modified : 4/28/2020
0 ratings and 0 comments
Roll over stars then click to rate.
© C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.